ខេត្តតាកែវ ៖ បុរសម្នាក់បានធ្វើអត្តឃាតដោយចងកសម្លាប់ខ្លួនដែលគេមិនដឹងពីមូលហេតុឡើយ។ ហេតុការណ៍នេះបានកើតឡើងនៅវេលាម៉ោង៨និង៣០នាទីថ្ងៃទី២១ ខែធ្នូ ឆ្នាំ២០២១ស្ថិតនៅចំណុចក្នុងវត្តឯកឧត្ដមមានជ័យនៅក្នុងភូមិយាឡ ឃុំត្រាំកក់ ស្រុកត្រាំកក់ ខេត្តតាកែវ។
សមត្ថកិច្ចបានឱ្យដឹងថា សាកសពឈ្មោះ នាក់ គឹមហួរ ភេទប្រុស អាយុប្រហែល ៤១ឆ្នាំ មុខរបរគ្មាន មានអាសយដ្ឋាននៅក្នុងភូមិឃុំកើតហេតុខាងលើ បានយកកំណាត់ពណ៌ទឹកប៊ិកចងភ្ជាប់ទៅនឹងរបងចេតិយបណ្ដាលឱ្យស្លាប់។
ក្រោយពីទទួលដំណឹងនេះភ្លាមសមត្ថកិច្ច និងអាជ្ញាធរបានចុះទៅត្រួតពិនិត្យ និងធ្វើកោសល្យវិច័យឃើញថា សាកសពនេះពិតជាស្លាប់ដោយចងកប្រាកដមែន រួចបានយកសាកសពទៅតម្កល់នៅវត្តកើតហេតុខាងលើរង់ចាំរកក្រុមគ្រួសារមកទទួលយកទៅធ្វើបុណ្យតាមប្រពៃណី៕

ដោយ ៖ ស សម