ភ្នំពេញ៖ សេចក្តីរាយការណ៍បានឲ្យដឹងថា អគ្គិភ័យដែលឆាបឆេះផ្ទះប្រជាពលរដ្ឋនៅសង្កាត់បឹងកក់២ មកទល់ពេលនេះបានរលត់ទៅវិញហើយ ដោយសារសមត្ថកិច្ចបានអន្តរាគមន៍បាញ់ពន្លត់ទាន់ពេលវេលា និងបានរាលដាលដល់ផ្ទះអ្នកជិតខាងបន្តិចបន្តួចប៉ុណ្ណោះ។

តាមសម្ដីរាយការណ៍បានឲ្យដឹងទៀតថា មុនដំបូងគឺមានផ្សែងហុយចេញពីផ្ទះដេពូក លេខ១២B បន្ទាប់មកក៏មានភ្លើងឆាបឆេះតែម្តង និងរាលដាលដល់ផ្ទះអ្នកជិតខាងបន្តិចបន្តួច។

សមត្ថកិច្ចបានប្រាប់ថា អគ្គិភ័យនេះគឺបណ្តាលមកពីទុស្សេខ្សែភ្លើង។ បច្ចុប្បន្នសមត្ថកិច្ចកំពុងធ្វើការសាកសួរ និងបូកសរុបចំនួនដែលខូចខាតអស់ទ្រព្យសម្បត្តិ៕

ដោយ៖ ស សម