ភ្នំពេញ៖ជនសង្ស័យម្នាក់ត្រូវកម្លាំងនគរបាលប៉ុស្តិ៍រដ្ឋបាលភ្នំពេញថ្មីឃាត់ខ្លួនបានករណីលួចមានស្ថានទម្ងន់ទោស(ឆក់ទូរស័ព្ទដៃ) ។កាលពីវេលាម៉ោង២០និង៣០នាទី ទី២៨ ខែធ្នូ ឆ្នាំ២០២១ នៅចំណុចមុខម្តុំបូរីជីបម៉ុង ផ្លូវ១០១៥ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ។
នគរបាលមូលដ្ឋានបានអោយដឹងថាជនសង្ស័យមានគ្នា៣នាក់ក្នុងនោះពីនាក់គេចខ្លួន(ឈ្មោះឌី និងឈ្មោះសាល) មធ្យោបាយម៉ូតូ០២គ្រឿង ។ ចំណែកជនសង្ស័យដែលឃាត់ខ្លួនបានមានឈ្មោះ វង់ ម៉ៅ ភេទប្រុស អាយុ២០ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះគ្មានលេខ ផ្លូវលំ ភូមិព្រែកតាតក់ ឃុំព្រែកតាតក់ ស្រុកលើកដែក ខេត្តកណ្តាល (មានសារធាតុញៀន)។ជននេះបានធ្វើសកម្មភាពឆក់យកទូរស័ព្ទដៃម៉ាកអាយហ្វូន១២ប្រូមួយគ្រឿង ពីជនរងគ្រោះឈ្មោះ លឹម សុភា ភេទស្រី អាយុ៣៤ឆ្នាំ ជនជាតិខ្មែរ មុខរបរបុគ្គលិកក្រុមហ៊ុនប៊ូយ៉ុង ស្នាក់នៅផ្ទះលេខ៥៥ ផ្លូវ២៧A សង្កាត់ព្រែកកំពិស ខណ្ឌដង្កោ ។ សម្ភារៈបបាត់បង់ ទូរស័ព្ទដៃ០១គ្រឿង ម៉ាកអាយហ្វូន១២ប្រូ យកទៅបាត់។
ហើយសមត្ថកិច្វចាប់យកសម្ភារៈបន្សល់ទុក ៖ ម៉ូតូ០១គ្រឿង ម៉ាកសេ១២៥ ពណ៌ខ្មៅ ពាក់ស្លាកលេខភ្នំពេញ1JC-4864 របស់ជនសង្ស័យ ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធីច្បាប់៕

ដោយ៖ចន្ទ លីហ្សា