ភ្នំពេញ៖ បន្ទាប់បានឃើញគណនីហ្វេសបុកមួយបានចុះផ្សាយថា “ផ្លូវជាតិលេខ៤ ខណ្ឌកំបូល ឡានមិនមានបទល្មើសអ្វីទាំងអស់ (ខ្សែក្រវ៉ាត់ក៏ពាក់ ទូរស័ព្ទក៏មិនបាននិយាយ) ប៉ុន្តែប៉ូលិសឃាត់ដោយមិនបានប្រាប់ថាយើងខុសអីនោះទេ គឺហៅសួសររកឯកសារឡាន និងប័ណ្ណបើកបរម៉ង”។ នេះបេីយោងតាមប្រភពព័ត៍មានពីស្នងការដ្ឋាននគរបាលរាជធានីភ្នំពេញ នៅព្រឹកថ្ងៃអង្គារទី១៨ ខែមករា ឆ្នាំ២០២២។
ដូច្នេះក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបលារាជធានីភ្នំពេញ សូមជម្រាបថា តាមពិតជាក់ស្តែងក្រោយពីសមត្ថកិច្ចធ្វើការស្រាវជ្រាវ និងសួរមន្ត្រីអនុវត្តតាមគោលដៅ គឺមិនមានករណីនេះកើតឡើងនោះទេ ការអនុវត្តរឹតបន្តឹងច្បាប់ចរាចរណ៌ផ្លូវគោក គឺអនុវត្តតាមច្បាប់ត្រឹមត្រូវ មិនមានការអនុវត្តន៍លើសសេចក្តីណែនាំរបស់ច្បាប់ ក៏ដូចជាការណែនាំរបស់ថ្នាក់នាំឡើយ។
ការចុះផ្សាយព័ត៌មានមិនពិតនេះមានលក្ខណៈបំភ្លេីសក្នុងន័យបង្ខូចកិត្តិយសរបស់កងកម្លាំងអនុវត្តន៍ច្បាប់ ពេលនេះសមត្ថកិច្ចកំពុងធ្វើការស្រាវជ្រាវរកគណនីហ្វេសបុក ដើម្បីចូលមកបកស្រាយបំភ្លឺលេីករណីផ្សព្វផ្សាយព័ត៌មានមិនពិតនេះ៕
ដោយ៖សហការី
