ភ្នំពេញ៖ ដំណាំស្រូវប្រាំងជួបកង្វះខាតទឹកប្រមាណ ៨០ហិកតា របស់បងប្អូនប្រជាកសិករស្ថិតនៅក្នុងសង្កាត់ប្រទះឡាង ខណ្ឌដង្កោ រាជធានីភ្នំពេញ ត្រូវបានក្រុមការងារក្រសួងធនធានទឹក និងឧតុនិយម ចុះអន្តរាគមន៍សង្គ្រោះ ។

នៅក្នុងកិច្ចអន្តរាគមន៍នេះ ក្រុមការងាររបស់ក្រសួង ប្រើប្រាស់ម៉ាស៊ីនបូមទឹកនៃស្ថានីយបណ្តែតទឹក ហ៊ុន សែន ទី២៩ ចំនួន២ គ្រឿង ដើម្បីបូមយកទឹកពីស្ទឹងព្រែកត្នោត ទម្លាក់តាមប្រឡាយមេប្រទះឡាង ប្រវែងប្រមាណ ៤,០០០ ម៉ែត្រ ទៅសង្គ្រោះដំណាំស្រូវទាំងនោះ ៕

ដោយ៖ សុខ ខេមរា