ខ្សែប្រយុទ្ធ Moussa Dembele អាចត្រលប់ទៅក្របខ័ណ្ឌលីកកំពូលអេស្ប៉ាញ La Liga វិញ ខណៈដែលក្លិប Sevilla បានបង្ហាញចំណាប់អារម្មណ៍ក្នុងការចុះហត្ថលេខាលើខ្សែប្រយុទ្ធរបស់ក្លិប Lyon រូបនេះក្នុងលក្ខខ័ណ្ឌខ្ចីជើងជាមួយនឹងជម្រើសក្នុងការទិញ។

កីឡាករវ័យ២៥ឆ្នាំរូបនេះគឺជាជម្រើសដ៏សំខាន់របស់ក្លិប Sevillaប្រសិនបើពួកគេបរាជ័យក្នុងការឈានដល់កិច្ចព្រមព្រៀងនាំយកខ្សែប្រយុទ្ធ Anthony Martial ក្នុងលក្ខខណ្ឌខ្ចីជើង ដោយខ្សែប្រយុទ្ធ Manchester United រូបនេះនៅតែជាគោលដៅសំខាន់របស់ពួកគេក្នុងការប្រយុទ្ធ។Martial គឺជាកីឡាករម្នាក់ក្នុងចំណោមកីឡាករ Man Utd ជាច្រើននាក់ដែលចង់ចាកចេញពី Old Trafford ប៉ុន្តែបិសាចក្រហមមិនព្រមឱ្យគាត់ទៅដោយស្រួលនោះទេ ហើយការចរចាកំពុងបន្តអំពីលទ្ធភាពខ្ចីជើង។ប្រសិនបើការចរចា Martial បរាជ័យ Dembele នឹងត្រូវជាគោលដៅរបស់ក្លិប Sevilla ដែលបានជួយឲ្យក្រុមស្មើ ១-១ នៅក្រៅផ្ទះ Valencia ក្នុង La Liga កាលពីយប់ថ្ងៃពុធ។ជម្រើសមួយសម្រាប់ Sevilla គឺសម្រាប់ Dembele ដើម្បីចូលរួមជាមួយក្លិបក្នុងលក្ខខណ្ឌខ្ចីជើង ដែលនឹងរួមបញ្ចូលជម្រើសក្នុងការទិញផ្តាច់នៅរដូវក្តៅ។ Dembele នឹងក្លាយជាកីឡាករដែលមានតម្លៃសមរម្យជាង Martial ហើយគ្រូបង្វឹកក្លិប Sevilla លោក Julen Lopetegui ចង់នាំយកខ្សែប្រយុទ្ធថ្មី។ដោយបានបរាជ័យក្នុងការរកគ្រាប់បាល់កំឡុងពេលខ្ចីជើងនៅ AtleticoMadrid ក្នុងពាក់កណ្តាលទី២នៃរដូវកាលមុន Dembele បានចាប់ផ្តើមយុទ្ធនាការបច្ចុប្បន្នក្នុងទម្រង់លេងដ៏ល្អសម្រាប់ Lyon បន្ទាប់ពីរកបានគ្រាប់បាល់តាមពីក្រោយក្នុង ៤គ្រាប់ក្នុងចំណោម៦ប្រកួតដំបូងរបស់គាត់។

ការរងរបួសសរសៃពួរកាលពីខែកញ្ញាបានធ្វើឱ្យ Dembele អវត្តមានពីការប្រកួតរយៈពេល២ខែ ប៉ុន្តែគាត់បានស្តារទម្រង់លេងឡើងវិញបន្តិចម្តងៗ ហើយប្រកួតចុងក្រោយកីឡាកររូបនេះបានស៊ុតបាល់បញ្ចូលទីជួយឲ្យLyon ឈ្នះក្រុម Troyes ឈ្នះក្នុងការប្រកួតនៅ Ligue 1 ផងដែរ ៕ (រូបភាព ៖ MARCA)