ខេត្តស្វាយរៀង៖ មានការភ្ញាក់ផ្អើលដល់អ្នកធ្វើដំណើរចោមរោមមើលនិងរាយការណ៏មកសមត្ថកិច្ចខណះប្រទះឃើញបុរសម្នាក់ដេកស្លាប់ខ្ទាតធ្លាក់ចូលទឹកបឹងនៅខាងកើតស្ពានខ្សែត្រចម្ងាយប្រហែលជា ១០០ ម៉ែត្រសង្ស័យករណីគ្រោះថ្នាក់ចរាចរណ៏។
ហេតុការណ៏នេះបានកើតឡើងកាលពីវេលាម៉ោង៦និង៣០នាទីព្រឹក
នៅថ្ងៃទី ៦ខែកុម្ភៈឆ្នាំ២០២២ចំណុចខាងកើតស្ពានខ្សែត្រក្នុងឃុំខ្សែត្រស្រុកកំពង់រោទ៏ខេត្តស្វាយរៀង។
យោងតាមសមត្ថកិច្ចនគរបាលបានអោយដឹងថាបុរសខាងលើមានឈ្មោះ
ស៊ុន វុទ្ធី អាយុ ៤០ឆ្នាំមុខរបរជាងសំណង់ មានទីលំនៅភូមិខ្សែត ឃុំខ្សែតស្រុកកំពង់រោទិ៍ខេត្តស្វាយរៀង។
ប្រភពបន្តថាកាលពីវេលាម៉ោងប្រហែល ៦និង៣០ព្រឹក ថ្ងៃទី៦ខែកុម្ភះឆ្នាំ២០២២មានប្រជាពលរដ្ឋឈ្មោះ សារ៉ាតបានមករាយការណ៍ផ្ទាល់មាត់ថាមានមនុស្សស្លាប់នៅក្នុងទឹកបឹងនៅចំណុចខាងកើតស្ពានខ្សែត្រចម្ងាយប្រហែលជា ១០០ ម៉ែត្រ
ក្រោយពីទទួលបានព័ត៌មានកម្លាំងប៉ុស្តិ៍ក៏បានសហការជាមួយកម្លាំងជំនាញកោសល្យវិច័យ ចរាចរណ៍ និងគ្រូពេទ្យចុះទៅដល់កន្លែងកើតហេតុក៏បានសន្និដ្ឋាន ពិតជាបានស្លាប់ដោយករណីគ្រោះថ្នាក់ចរាចរណ៍ពិតប្រកដមែនដោយសារ មូលហេតុៈអ្នកបើកបរម៉ូតូស្រវឹងស្រាទើបរ៉េចង្កូតដួលបែបនេះ។
សពត្រូវបានសមត្ថកិច្ចធ្វើកំណត់ហេតុនិងប្រគល់អោយក្រុមគ្រួសារយកមកធ្វើបុណ្យតាមប្រពៃណីទាំងក្ដុកក្ដួលបំផុត៕
ដោយ៖ យឹម សុថាន
