លោក Mark Milly ជាមេទ័ព និងជាបេក្ខភាពអគ្គមេបញ្ចាការកងទ័ពអាមេរិក បានឲ្យដឹងថា សមត្ថភាពបរមាណូរបស់រុស្ស៊ីគឺគ្រប់គ្រាន់សម្រាប់កម្ទេចអាមេរិកមិនឲ្យសេសសល់នៅលើភពផែនដីនេះ។ នៅក្នុងលោកនេះគ្មានប្រទេសណាមួយដែលមានសមត្ថភាពក្រៅពីរុស្ស៊ីឡើយ។
សារព័ត៌មានThe Washington Times បានដកស្រង់សម្តីលោកMilly មានប្រសាសន៍នៅក្នុងកិច្ចប្រជុំបណ្តាមេទ័ពអាមេរិកប្រចាំតំបន់និមួយៗថា«រុស្ស៊ីជាប្រទេសតែមួយគត់នៅលើភពផែនដីដែលមានសមត្ថភាពបរមាណូគ្រប់គ្រាន់សម្រាប់កម្ទេចទឹកដីអាមរិកឲ្យក្លាយទៅជាផេះ»។
ប៉ុន្តែ ដូចអ្វីដែលសារព័ត៌មានបានសរសេរ មេទ័ពអាមេរិកមិនដែលមានអ្វីថ្មីសម្រាប់ពលរដ្ឋអាមេរិកនោះឡើយ។ កន្លងមកបេក្ខភាពដែលគ្រោងឡើងកាន់តំណែងខ្ពស់នៅក្នុងជួរកងទ័ព ក៏មានប្រសាសន៍ដូចគ្នានេះដែរ។កាលពីជិតមួយខែមុនមេទ័ពJoshph DunFord ដែលជាបេក្ខភាពប្រធានគណ:កម្សធិការមេបញ្ចាការទាហានសម្ព័ន្ធមិត្តអាមេរិកក៏បានប្រកាសដូចគ្នានេះដែរ ដោយបញ្ចាក់ថារុស្ស៊ីគឺជាការគម្រាមកំហែងទីមួយរបស់អាមេរិក។
នៅក្នុងព្រឹត្តិការណ៍មួយផ្សេងទៀត កាលពីពេលកន្លងមកមេបញ្ចាការកងទ័ពកាំជ្រួចមីស៊ីលយុទ្ធសាស្ត្ររបស់រុស្ស៊ីបានបញ្ចាក់ថាប្រសិនបើរុស្ស៊ីរងការវាយប្រហារនោះរុស្ស៊ីនឹងតប់តវិញដោយកាំជ្រួចមីស៊ីលបំពាក់ក្បាល់គ្រប់បរមាណូ។ រុស្ស៊ីនិងកម្ទេចទីតាំងកាំជ្រួចមីស៊ីលរបស់អាមេរិកដែលមាននៅគ្រប់ទិសទីជុំវិញពិភពលោក។
មេទ័ពរុស្ស៊ីលោកViktor Yesin និយាយទៅកាន់សារព័ត៌មានរុស្ស៊ីRIA Novosti ថា។ «រាល់ទីតាំងកាំជ្រួចមីស៊ីលការពាររបស់អាមេរិកនៅគ្រប់ទិសទីជុំវិញពិភពលោកនិងត្រូវបំផ្លាញប្រសិនបើមានសង្គ្រាមកើតឡើង។ បើមានការផ្ទុះសង្គ្រាមរវាងរុស្ស៊ីនិងអាមេរិកនោះរុស្ស៊ីចាំបាច់ត្រូវតែកម្ទេចទីតាំងកាំជ្រួចមីស៊ីលរបស់អាមរិកជាមុនទើបអាចវាយលុកចូលទឹកដីអាមេរិកដោយមីសីលឆ្លងទ្វីបបំពាក់ក្បាលគ្រប់បរមាណូ។
ការដែលអាមេរិកដាក់ពង្រាយប្រព័ន្ធមីស៊ីលនៅតំបន់អឺរ៉ុប ដោយយកហេតុផលការពារសម្ព័ន្ធមិត្តអឺរ៉ុបគេចផុតពីការវាយប្រហារដោយមីស៊ីលពីអីរ៉ង និងកូរ៉េខាងជើង។ ការដាក់មីស៊ីលនៅទីនោះបានធ្វើឲ្យមានការប្រឈមមុខដាក់គ្នារវាងអាមេរិកនិងរុស្ស៊ី។ រដ្ឋាភិបាលទីក្រុងវ៉ាស៊ីនតោនបញ្ចាក់ថាប្រព័ន្ធមីស៊ីលការពារនៅតំបន់អឺរ៉ុបមិនសម្រាប់ប្រឆាំងរុស្ស៊ីឡើយ ប៉ុន្តែអាមេរិកមិនបានធានាជាផ្លូវការថាមិនសម្តៅរុស្ស៊ីនោះដែរ។
មេទ័ពរុស្ស៊ីបញ្ចាក់ទៀតថានៅពេលនេះកិច្ចព្រមព្រៀងស្តីពីកម្មវិធីបរមាណូជាមួយអីរ៉ងរួចជាស្រេចតើអាមេរិកយកហេតុផលណាទៀតសម្រាប់ដាក់ប្រព័ន្ធមិស៊ីលនៅជុំវិញប្រទេសរុស្ស៊ី។
ចំពោះមេទ័ពអាមេរិកបានដឹងយ៉ាងច្បាស់ថាប្រទេសណាមួយដែលមានសមត្ថភាពគ្រប់គ្រាន់សម្រាប់តទល់និងអាមេរិកនោះ អាមេរិកត្រូវតែប្រុងប្រយ័ត្នទប់ស្កាត់ទុកជាមុន មិនទុកឲ្យហួសពេលនោះឡើយ។
ក្រុមអ្នកឯកទេសវិភាគបានបញ្ចាក់ថា ប្រសិនបើអាមេរិកនិងរុស្ស៊ីផ្ុះសង្គ្រាមនឹងគ្នាពិភពលោកនិងក្លាយទៅជាយ៉ាងណា? រុស្ស៊ីនិងអាមរិកមានគ្រាប់បែកបរមាណូប្រហាក់ប្រហែលគ្នា អាចកម្ទិចប្រទេសទាំងពីរគ្មានសេសសល់លើភពផែនដីយើងនេះ។ អ្វីដែលគេព្រួយបារម្ភនោះបើសង្គ្រាមកើតឡើងវាមិនត្រឹមបញ្ចប់រវាងរុស្ស៊ីនិងអាមេរិកឡើងអាមេរិកនិងរុស្ស៊ីរលាយ ប្រាកដជាមិនទុកឲ្យភពផែនដីនេះរស់នៅបានសុខឡើយ។ បើគិតពីចំនួនគ្រប់បែកបរមាណូរបស់អាមេរិកនិងរុស្ស៊ីគឺគ្រប់គ្រាន់សម្រាប់បំផ្លាញពិភពទាំងមូល។
មនុស្សជាតិកំពុងប្រឈមនឹងការផុតពូជ ពីភពផែនដីដោយសារតែមនុស្ស លោកផ្ទាល់ជាអ្នកធ្វើឱ្យបាត់បង់នូវអ្វី ដែលខ្លួនមាន។ គ្រាប់បែកប្រល័យលោក របស់ប្រទេសមហាអំណាចដូចអាមេរិក រុស្ស៊ី ចិន ឥណ្ឌា ប៉ាគីស្ថាន និងប្រទេស អឺរ៉ុបគ្រប់គ្រាន់ក្នុងការធ្វើឱ្យភពផែនដី លាយសាបសូន្យសូម្បីតែស្មៅមួយទងក៏មិនអាចដុះរួចដែរ។
នៅពេលនេះប្រទេសមហាអំណាច មិនទាន់ឈានដល់សន្ធិសញ្ញាអន្ដរជាតិ មិនរីកសាយភាយអាវុធបរមាណូ មូលហេតុដោយសារតែប្រទេសមហា អំណាចខ្លាចបាត់បង់អំណាចរបស់ខ្លួន ប្រសិនបើគ្មានអាវុធបរមាណូទេនោះ។ សេចក្ដីព្រាងដែលជាការផ្ដួចផ្ដើមគំនិត របស់បណ្ដាប្រទេសអារ៉ាប់ មិនអាចអនុ ម័តចេញទៅរួចដោយសារតែមានការ ជំទាស់ពីសំណាក់សហរដ្ឋអាមេរិក និង សម្ពន្ធមិត្ដ ។
សេចក្ដីព្រាងសេចក្ដីសម្រេចដែល គាំទ្រដោយបណ្ដាប្រទេសអារ៉ាប់បាន កំណត់យកថ្ងៃទី១ ខែមីនា ឆ្នាំ២០១៦ ជាថ្ងៃកំណត់ចុងក្រោយ ក្នុងការកោះ ប្រជុំសន្និសីទស្ដីពីការបង្កើតតំបន់គ្មាន អាវុធនុយក្លេអ៊ែរនៅមជ្ឈិមបូព៌ា ព្រម ទាំងដាក់បន្ទុកឱ្យលោកបាន គីមូន អគ្គ លេខាធិការអង្គការសហប្រជាជាតិជា អ្នកដឹកនាំគម្រោងបង្កើតតំបន់គ្មាន អាវុធនុយក្លេអ៊ែរនេះ។ ក៏ប៉ុន្ដែសេចក្ដី ព្រាងនេះត្រូវជាប់គាំង ដោយសារតែ មានការជំទាស់ពីសំណាក់សហរដ្ឋ អាមេរិក អង់គ្លេស និងកាណាដា ។
មន្ដ្រីការទូតរបស់ប្រទេសទាំង៣នេះ បានធ្វើការពន្យល់ថា ពួកគេមិនប្រឆាំង នឹងគម្រោងបង្កើតតំបន់គ្មាននុយក្លេអ៊ែរ នៅមជ្ឈិមបូព៌ានេះទេ ក៏ប៉ុន្ដែ ពួកគេមិន ឯកភាពនឹងការចេញសេចក្ដីសម្រេច ដាក់ឱសានវាទ ដោយមិនមានការព្រម ព្រៀងពីគ្រប់ភាគីដែលពាក់ព័ន្ធ ។
ក៏ប៉ុន្ដែអ៊ីរ៉ង់វិញក្នុងនាមក្រុមប្រទេស មិនចូលបក្សសម្ព័ន្ធបានស្ដីបន្ទោសដល់ ប្រទេសទាំង៣នេះថាបានរារាំងគម្រោងដែលមានការគាំទ្រពីសំណាក់ ប្រទេស ភាគច្រើនដើម្បីគ្រាន់តែការពារផល ប្រយោជន៍របស់ប្រទេសមួយដែលមិន ស្ថិតក្នុងសន្ធិសញ្ញាមិនរីកសាយភាយ អាវុធនុយក្លេអ៊ែរ ។
តើពេលណាទៅតើបគេបោះបង់អាវុធបរមាណូដូចជាការបោះបោះបង់អាវុធគីមី ដែលបានហាមប្រើប្រាស់នៅគ្រប់រូបភាពនៃសង្គ្រាម។ ការអត់ថ្មត់របស់មនុស្សដែលមានតណ្ហា កេលេសគ្រប់ដណ្តប់គឺមានកំណត់ បើទុកឲ្យមានគ្រប់បែកបរមណូនោះ ពិភពលោកនឹងគ្មានថ្ងៃបានស្ងប់នោះឡើយ៕
