ព្រះរាជអាជ្ញាបាននិយាយកាលពីថ្ងៃសុក្រថា អ្នកគាំទ្រក្លិប Leicester City ដែលបានវាយដំកីឡាករក្រុម Nottingham Forest ៣នាក់ក្នុងអំឡុងពេលការប្រកួតជុំទី៤របស់ក្លិប FA Cup ត្រូវបានកាត់ទោសឱ្យជាប់ពន្ធនាគាររយៈពេល៤ខែ និងត្រូវបានហាមឃាត់មិនឱ្យចូលរួមការប្រកួតបាល់ទាត់រយៈពេល១០ឆ្នាំ។

អ្នកគាំទ្រឈ្មោះ Cameron Toner វ័យ១៩ឆ្នាំបានរត់ទៅលើទីលាន ហើយបានវាយទៅលើកីឡាកររបស់ Forest ខណៈដែលពួកគេកំពុងអបអរគ្រាប់បាល់ទី៣របស់ពួកគេក្នុងការទទួលជ័យជម្នះ ៤-១ លើក្រុមLeicester  កាលពីថ្ងៃទី៦ ខែកុម្ភៈ។អ្នកគាំទ្រឈ្មោះ Toner ដែល​ត្រូវ​បាន​ចោទ​ប្រកាន់​ពី​បទ​បង្ក​របួស​ស្នាម​ជា​ទូទៅ​ចំនួន​៣ និង​ចូល​ទៅ​កន្លែង​លេង​ក្នុង​ការ​ប្រកួត​បាល់ទាត់​នោះ បាន​សារភាព​កំហុស​ចំពោះ​ការ​ចោទ​ប្រកាន់​នៅ​តុលាការ Nottingham Magistrates កាល​ពី​ថ្ងៃ​សុក្រ។ព្រះរាជអាជ្ញាបានបន្តថា “Cameron Toner បានប្រព្រឹត្តអំពើហិង្សាដែលមិនបង្កហេតុនៅចំពោះមុខមនុស្សរាប់ពាន់នាក់ ហើយការធ្វើដូច្នេះបានធ្វើឱ្យប្រព័ន្ធយុត្តិធម៌ព្រហ្មទណ្ឌមិនមានជម្រើសក្រៅពីរារាំងគាត់ពីការចូលរួមក្នុងការប្រកួតនាពេលអនាគត”។

តុលាការបានសម្រេចថា Toner បានផឹកស្រាមុនពេលការប្រកួត ដោយវាជា “ការវាយប្រហារដោយចេតនា” លើកីឡាករក្រុម Nottingham Forest ។ ជាមួយគ្នានេះក្លិប Leicester បានថ្កោលទោសឧបទ្ទវហេតុនេះ និងហាមប្រាមអ្នកគាំទ្រឈ្មោះ Toner មិនឲ្យចូលទស្សនាក្នុងទីលានអស់មួយជីវិត ៕ (រូបភាព ៖ Reuters/CNA)