ខេត្តប៉ៃលិន÷ បុរសម្នាក់ដើរទៅចំការពេលត្រឡប់មកផ្ទះ ភ្លៀងធ្លាក់ រលឹមៗ ស្រាប់តែ
រន្ទះបាញ់បណ្ដាលឲ្យដួលសន្លប់ រងរបួស
ធ្ងន់ ត្រូវបានបងប្អូនក្រុមគ្រួសារបញ្ជូនទៅព្យាបាលនៅមន្ទីរពេទ្យធំៗខេត្តបាត់ដំបង។

បើតាមប្រភពពីសមត្តកិច្ចនគរបាលជំនាញនៃអធិការស្រុកសាលាក្រៅឲ្យដឹងថា÷កាលពីវេលាម៉ោង ១៦និង៣០នាទីល្ងាច ថ្ងៃទី២៥ ខែមីនា ឆ្នាំ២០២២ មានកណីរន្ទះបាញ់ត្រូវបុរសម្នាក់រងរបួសធ្ងន់ ខណ:ពេលដែលបុរសរូបនេះបានត្រឡប់មកពីចំការវិញ ដើរជិតដល់វត្តចាស់ ភ្លៀងធ្លាក់ រលឹមៗ ត្រូវបានរន្ទះតែម្ដង ករណីនេះស្ថិតនៅចំណុច វត្តចាស់ ស្ថិតនៅភូមិទួលខ្ពស់ ឃុំស្ទឹងត្រង់ ស្រុកសាលាក្រៅ ខេត្ត ប៉ៃលិន ។

សមត្តកិច្ចជំនាញបានបន្តថា÷ ជនរងគ្រោះមាន ឈ្មោះ ជួញ ផារ៉ា ភេទ ប្រុស អាយុ ២៧ ឆ្នាំកសិករ ស្ថិតនៅភូមិទួល ឃុំសាលាក្រៅ ស្រុក សាលាក្រៅ ខេត្តប៉ៃលិន។
ក្រោយពីសមត្តកិច្ចបានចុះពិនិត្យកន្លែងកើតហេតុរួចជនរងគ្រោះត្រូវបានបងប្អូនក្រុមគ្រួសារបញ្ជូនទៅសង្គ្រោះនៅមន្ទីពេទ្យធំ ខេត្តបាត់ដំបង៕

ដោយ៖ ស សារ៉េត