ខេត្តតាកែវ ៖ បុរសម្នាក់បានខ្យល់គរដេកស្លាប់នៅនឹងប្រឡាយទឹកបង្កឲ្យមានភាពភ្ញាក់ផ្អើល។
ហេតុការណ៍នេះបានកើតឡើងនៅថ្ងៃទី១ ខែមេសា ឆ្នាំ២០២២វេលាម៉ោង០៩និង៣០នាទី ស្ថិតនៅចំណុចកូនប្រឡាយទឹកខាងកើតស្នាក់ការ(k១០)ក្នុងភូមិសាស្រ្តភូមិកំណប់ ឃុំកំណប់ ស្រុកគិរីវង់ មានចំងាយប្រមាណ២kmពីប៉ុស្តិ៍ការពារព្រំដែនកំណប់។
សមត្ថកិច្ចបានឲ្យដឹងថាសាកសពជនរងគ្រោះឈ្មោះ ញឹប ឆេន ភេទប្រុស អាយុ៣៣ឆ្នាំមានទីលំនៅភូមិខ្លោងទ្វារ ឃុំរនាម ស្រុកទ្រាំង ខេត្តតាកែវ មុខរបរជាកម្មករឃ្វាលទាអោយឈ្មោះណុប តឿន ភេទប្រុស អាយុ៤០ឆ្នាំមានទីលំនៅភូមិក្បាលដំរី ឃុំគោកព្រេច ស្រុកគិរីវង់។
សមត្ថកិច្ចបានបញ្ជាក់ឲ្យដឹងទៀតថាពាក់ពន្ធ័សាកសពជនរងគ្រោះ ប្រពន្ធរបស់ជនរងគ្រោះបានសំណូមពរដល់សម្ថកិច្ចមិនបាច់ធ្វើការពិនិត្យសាកសពទេព្រោះថាសាកសពប្ដីរបស់គាត់ស្លាប់ដោយខ្យល់គខ្លួនឯង ហើយសាកសពត្រូវបានក្រុមគ្រួសារបានដឹកយកទៅធ្វើបុណ្យទៅតាមប្រពៃណីទំនៀមទម្លាប់និងសាសនា៕

ដោយ៖ ស សម