ក្រុមជើងឯកអេស្ប៉ាញ Atletico Madrid នឹងត្រូវជួបក្រុមម្ចាស់ផ្ទះជើងឯកអង់គ្លេស មេឃខៀវ Manchester City នៅថ្ងៃរាត្រីអង្គារនេះសម្រាប់ការប្រកួតក្របខ័ណ្ឌ UEFA Champions League វគ្គ៨ក្រុមចុងក្រោយនៅកីឡដ្ឋាន Etihad ក្នុងជើងទី១។
ក្រុមខ្លាំង Manchester City បានឈ្នះការប្រកួត Champions League ចុងក្រោយរបស់ពួកគេ ដោយបានយកឈ្នះលើក្រុម Sporting CP ក្នុងលទ្ធផលទាំង២ជើង ៥-០ ក្នុងជុំទី១៦ បន្ទាប់ពីទទួលបានជ័យជម្នះ ៥-០ ក្នុងជើងទី១ និងបានប្រកួតស្មើ ០-០ ក្នុងជើងទី២។ ក្រុមមេឃខៀវមិនស្គាល់ចាញ់សោះក្នុងការប្រកួត៧លើកចុងក្រោយរបស់គេក្នុងការប្រកួតទាំងអស់ (ឈ្នះ៥ ស្មើ២)។ចំណែក្រុម Atletico Madrid បានឈ្នះការប្រកួត Champions League ចុងក្រោយរបស់ពួកគេ ដោយបានយកឈ្នះលើក្រុមបិសាចក្រហមManchester United សរុបទាំង២ជើង ២-១ ក្នុងជុំទី១៦ បន្ទាប់ពីលេងស្មើ ១-១ ក្នុងជើងទី១ និងបានយកឈ្នះ ១-០ ក្នុងការប្រកួតជើងទី២។ ក្រុម Atletico Madrid មិនស្គាល់ចាញ់សោះក្នុងការប្រកួត៨លើកចុងក្រោយក្នុងការប្រកួតទាំងអស់ (ឈ្នះ៧ ស្មើ១)។ខ្សែប្រយុទ្ធ Riyad Mahrez ជាកីឡាករសំខាន់របស់ Manchester City ក្នុងការប្រកួត Champions League។ គាត់គឺជាអ្នកស៊ុតបញ្ចូលទីបានច្រើនជាងគេ ដោយរកបាន៦គ្រាប់។ ចំណែកខ្សែប្រយុទ្ធ Antoine Griezmann គឺជាខ្សែប្រយុទ្ធនាំមុខគេសម្រាប់ក្រុម Atletico Madridដោយស៊ុតបញ្ចូលទីបាន៤គ្រាប់ក្នុងក្របខ័ណ្ឌ Champions League រដូវកាលនេះ រួមទាំងគ្រាប់បាល់ថ្ងៃប្រកួតបើកឆាក១ផងដែរ។ក្រុមភ្ញៀវបានស៊ុតបាល់បញ្ចូលទីក្នុងការប្រកួត Champions League ចំនួន៣ដងជាប់គ្នាក្នុងរដូវកាលនេះ។ ក្រុម Atletico Madrid ធ្លាប់ចាញ់ក្រុម AC Milan ម្តងប៉ុណ្ណោះចាប់តាំងពីចាញ់ក្នុងវគ្គចែកពូល។ រីឯការប្រកួត Champions League ៤លើកនៅកីឡដ្ឋាន Etihad ក្នុងរដូវកាលនេះ ក្រុម Manchester City មិនដែលចាញ់ទេ ដោយឈ្នះ៣ដងនិងស្មើមួយដង។Atletico Madrid មានកំណត់ត្រាប្រកួតក្រៅដីដ៏ល្អនៅក្នុងការប្រកួតនៅរដូវកាលនេះជាមួយនឹងជ័យជម្នះ៣លើក និងចាញ់តែ១ប្រកួតប៉ុណ្ណោះក្នុងការប្រកួតក្រៅទឹកដី ខណៈដែលក្រុមអេស្ប៉ាញមួយនេះនឹងត្រូវបន្តការប្រកួតក្រៅដី៤ប្រកួតក្នុងគ្រប់ការប្រកួត។ក្នុងការប្រកួត៦លើកចុងក្រោយរបស់ពួកគេក្នុងការប្រកួតទាំងអស់ក្រុមManchester City ឈ្នះ៤ និងស្មើ២។ ពួកគេបានស៊ុតបាល់បញ្ចូលទី១២និងចាញ់២គ្រាប់ ដោយបានពិន្ទុដំបូងក្នុងការប្រកួតចំនួន៤ក្នុងចំណោម៦ការប្រកួតនេះ ខណៈក្រុម Atletico Madrid បានឈ្នះរៀងៗខ្លួនក្នុងចំណោម៦ចុងក្រោយរបស់ពួកគេ។ ក្រុមនេះរកបាន១៣គ្រាប់ និងចាញ់វិញ៣គ្រាប់ក្នុងការប្រកួតនោះ។
ការប្រកួតជើងទី១រវាងក្រុមទាំង២នៅធ្វើឡើងនៅវេលាម៉ោង២រំលងអធ្រាត្រឈានចូលថ្ងៃទី៦ ខែមេសា ខណៈការប្រកួតជើងទី២ នឹងធ្វើឡើងនៅថ្ងៃទី១៤ ខែមេសាខាងមុខ។ សម្រាប់ក្រុមដែលឈ្នះសរុបទាំង២ជើងនឹងត្រូវប៉ះក្រុម Chelsea ឬ Real Madrid នៅវគ្គ៤ក្រុមចុងក្រោយ ៕ (រូបភាព ៖ soccerway.com)
