ភ្នំពេញ៖ បុរសម្នាក់បានរងរបួសធ្ងន់ត្រូវបានរថយន្តសង្គ្រោះដឹកយកទៅមន្ទីរពេទ្យភ្លាមៗ បន្ទាប់ពីបេីកឡំប្រឺតាជ្រុលទៅបុករថយន្តព្រូសពេញទំហឹង កាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី១៩ ខែមេសា ឆ្នាំ២០២២ នៅចំណុចផ្លូវលេខ១៧៣កែងផ្លូវលេខ២៨៤ ស្ថិតក្នុងសង្កាត់អូឡាំពិក ខណ្ឌបឹងកេងកង រាជធានីភ្នំពេញ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តម៉ាកព្រូស ពណ៌ទឹកប្រាក់ ពាក់ស្លាកលេខភ្នំពេញ2AA-2653 ធ្វេីដំណេីរតាមបណ្តោយផ្លូវលេខ១៧៣ ក្នុងទិសដៅពីលិចទៅកេីត ខណៈមកដល់ចំណុចកេីតហេតុស្រាប់តែមានបុរសម្នាក់បេីកឡំប្រឺតាយ៉ាងលឿនតាមបណ្តោយផ្លូវលេខ២៨៤ ក្នុងទិសដៅពីត្បូងទៅជេីងលឿនមិនប្រយ័ត្នក៏ជ្រុលទៅបុករថយន្តចំពីចំហៀងពេញទំហឹងបណ្តាលឱ្យឡំប្រឺតាខ្ទាតទៅបោកផ្ទប់ទៅនឹងរបងវត្តបន្ថែមទៀតរងការខូចខាត ចំណែកអ្នកបើកឡំប្រឺតារងរបួសធ្ងន់។
ក្រោយកេីតហេតុជនរងគ្រោះត្រូវបានរថយន្តសង្គ្រោះដឹកយកទៅព្យាបាលនៅមន្ទីរពេទ្យភ្លាមៗ ចំណែករថយន្តនិងឡំប្រឺតាត្រូវបានសមត្ថកិច្ចធ្វេីការវាស់វែងយកទៅរក្សាទុករង់ចាំដោះស្រាយនៅពេលក្រោយ៕
ដោយ៖សុខាសែនជ័យ
