ខេត្តស្វាយរៀង៖ មានការភ្ញាក់ផ្អើលទាំងយប់ពីសំណាក់ក្រុមគ្រួសារអ្នកភូមិនិងរាយការណ៏មកសមត្ថកិច្ចមូលដ្ឋានមកពិនិត្យសពខណះប្រទះឃើញបុរសម្នាក់ចងកនៅលើផ្ទះ។
ហេតុការណ៏នេះបានកើតឡើងកាលពីវេលាម៉ោង១០យប់ព្រឹកថ្ងៃទី២២ខែមេសាឆ្នាំ២០២២ស្ថិតនៅភូមិក្រសាំង ឃុំក្រសាំងស្រុករមាសហែកខេត្តស្វាយរៀង។
យោងតាមសមត្ថកិច្ចនគរបាលស្រុកបានអោយដឹងថាបុរសខាងលើត្រូវបានស្គាល់ឈ្មោះហ៊ុន ផល្លាភេទប្រុសអាយុ៣០ឆ្នាំជនជាតិខ្មែរស់នៅភូមិក្រសាំង ឃុំក្រសាំងស្រុករមាសហែកខេត្តស្វាយរៀង។
តាមការពិនិត្យរបស់សមត្ថកិច្ចស្រុកសហការជាមួយកំលាំងរដ្ឋបាលនិងលោកគ្រូពេទ្យ និងជំនាញបច្ចេកទេសបានពិនិត្យឃើញថា នៅលើខ្លួនប្រាណសពពុំមានស្លាកស្នាមរបួសអ្វីដែលសំគាល់ជារឿងឃាដកម្មនោះទេ គឺសពនេះស្លាប់ដោយសារចងករពិតប្រាកដមែនដោយបានបានយកខ្សែភ្លើងពណ៏ខ្មៅចងជាប់និងផ្ទោងដំបូលផ្ទះរបស់ខ្លួន ។
តាមក្រុមគ្រួសារបានអះអាងថាបុរសឈ្មោះហ៊ុន ផល្លាគឺមានជំងឺរាំរ៉ៃយូឆ្នាំមកហើយដោយទៅព្យាបាលនៅមន្ទីរពេទ្យដែរប៉ុន្តែមិនបានធូរស្រាលសោះដោយយប់កើតហេតុគាត់និងក្រុមគ្រួសារបានសម្រាន្តនៅខាងក្រោមផ្ទះ។
ប្រភពបន្តថាក្រោយមកស្រាប់តែមិនលឹសូរសម្លេងខុសពីធម្មតាទើបមានការសង្ស័យក៏ឡើងទៅលើផ្ទះស្រាប់តែមានការផ្អើលឆោរឡោឃើញចងករស្លាប់បាត់ទៅហើយ។
បច្ចុប្បន្នសពត្រូវបានសមត្ថកិច្ចធ្វើកំណត់ហេតុនិងបានប្រគល់ជូនក្រុមគ្រួសារធ្វើបុណ្យតាមប្រពៃណី៕
ដោយ៖ យឹម សុថាន
