ខេត្ដឧត្ដរមានជ័យ៖ ពលរដុ្ឋនៅក្នុងភូមិចំនួនបី គឺភូមិរំចេក ខាងកើត រំចេកកណ្ដាល និងរំចេកលិច មានការមិនសប្បាយចិត្ដ និងសម្ដែងការហួសចិត្ដ បាននាំគ្នាផ្ដិតមេដៃ សំអន្តរាគមន៍ ទៅថ្នាក់ដឹកនាំ ខណះដីចំណីអូរមួយកន្លែង ស្ថិតនៅក្នុងអនុក្រិត្យក្រសួងធនធានទឹក ដែលមានទំហ៊ុំ ២០គុណ៧០ម៉ែត្រ ជាប់និងទំនប់អាងទឹក រំចេក និងកសាងសំណង់របស់ក្រសួងធនធានទឹកនិងឧតុនិយម ស្ថិតនៅក្នុងភូមិរំចេក ឃុំអន្លង់វែង ស្រុកអន្លង់វែង ខេត្តឧត្ដរមានជ័យ។ ដែលត្រូវបាន លោកយ៉េ អ៊ុន មេភូមិរំចេកលិច និងលោកវង្ស ភក្រ្ដ មេឃុំអន្លង់វែង បានចុះហត្ថលេខា លើលិខិត ប្រវត្ដដី អោយទៅឈ្មោះ លឹម ជា ភេទប្រុសអាយុ អាយុ៥៣ រស់នៅភូមិ ក ស្កាត់ ច្រាំង ចំរេះ ខណ្ឌ ឫស្សីកែវ ក្រុងភ្នំពេញ និងប្រពន្ធឈ្មោះ ហេង សុគន្ធា ។
នៅថ្ងៃ ទី២៦ ខែ មេសា ឆ្នាំ២០២២ អាជ្ញាធរស្រុកអន្លង់វែង ដឹកនាំដោយលោកងួន លីន នាយករដ្ឋបាលសាលាស្រុកអន្លង់វែង ដឹកនាំកងកំលាំងសមត្ថកិច្ចចម្រុះនិងមន្រ្ដី ជំនាញចុះរុះរើ បង្គោលរបង តាមបទបញ្ជារបស់លោកអភិបាលស្រុកអន្លង់វែង តែត្រូវបានបរាជ័យ។
អាជ្ញានិង ជំនាញ បានអះអាងថាទីតាំងដីខាងពិតជាដីសាធារណះរបស់រដ្ឋពិតប្រាកដ ដោយពំមានបុគ្គលណាម្នាក់ មានសិទ្ធ កាន់នៅលើទីតាំងដីនេះបានឡើយ។
តែត្រូវបុគ្គលឈ្មោះ អួន វិបុល ភេទប្រុស អាយុ៥២ ចេញមុខរារាំងអាជ្ញាធរ និងសមត្ថកិច្ច មិនអោយធ្វើការរុះរើបានឡើយ។ ដោយអះអាងថា ខ្លួនបានលក់អោយគេហើយ មានបណ្ណ័កម្មសិទ្ធ ដែលចុះហត្ថលេខា ដោយលោកយេ អ៊ុន មេភូមិរំចកលិច និងលោក វង្ស ភក្រ្ដ មេឃុំអន្លង់វែង៕ដោយ៖ ប៉ែន នួន
