ក្លិបនៅ Premier League បានប្រកាសថា ខ្សែបម្រើរបស់ Tottenham Hotspur កីឡាករ Oliver Skipp នឹងខកខានការប្រកួតដែលនៅសល់នៃរដូវកាលនេះបន្ទាប់ពីបានទទួលការវះកាត់របួសក្រលៀន។

Skipp ដែលបានបង្ហាញខ្លួនចំនួន២៨ដងក្នុងការប្រកួតទាំងអស់សម្រាប់ក្លិបនៅទីក្រុងឡុងក្នុងរដូវកាលនេះ ដោយលេងចុងក្រោយក្នុងការប្រកួតចាញ់ក្រុម Chelsea ២-០ ក្នុងលីកកាលពីថ្ងៃទី២៣ ខែមករា។ក្លិប Spurs បានប្រកាសនៅក្នុងសេចក្តីថ្លែងការណ៍មួយថា “យើងអាចបញ្ជាក់បានថា Oliver Skipp បានទទួលការវះកាត់នៅអាមេរិកដើម្បីព្យាបាលរបួស ហើយនឹងអវត្តមានសម្រាប់រដូវកាលដែលនៅសល់។កីឡាករវ័យ២១ឆ្នាំឥឡូវនេះនឹងឆ្លងកាត់រយៈពេលនៃការជាសះស្បើយឡើងវិញ ហើយត្រូវបានគេរំពឹងថានឹងត្រលប់មកហ្វឹកហាត់វិញសម្រាប់រយៈពេលមុនបើករដូវកាល” ។Skipp បានចំណាយពេលកាលពីរដូវកាលមុនក្នុងការខ្ចីជើងនៅ Norwich City ក្នុងការប្រកួតក្រុមលេងនៅលីកនៅលំដាប់ទី២មុនពេលត្រលប់ទៅ Tottenham និងបង្កើតខ្លួនគាត់ជាកីឡាករធម្មតានៅក្នុងក្រុម។

 

ក្រុមរបស់លោក Antonio Conte មាន២ពិន្ទុតាមពីក្រោយក្រុមលេខ៤Arsenal ជាមួយនឹងការប្រកួតចំនួន៥ដែលនៅសល់ក្នុងការប្រជែងយកកៅអីវគ្គ Champions League នៅរដូវកាលក្រោយ។ ក្រុមនេះនឹងធ្វើជាម្ចាស់ផ្ទះទទួលក្រុម Leicester City នៅថ្ងៃអាទិត្យនេះ ៕ (រូបភាព ៖ Reuters/CNA)