អ្នកបើកបររថយន្តម្នាក់ ត្រូវបានឃាត់ខ្លួនក្រោយរកឃើញ

ចែករំលែក៖

ខេត្តព្រះសីហនុ៖ កម្លាំងសមត្ថកិច្ចនៃអធិការដ្ឋាននគរបាលស្រុកព្រៃនប់ បានឃាត់ខ្លួនបុរសម្នាក់ ក្រោយរកឃើញគ្រឿងញៀនជាប់នឹងខ្លួន។ នេះបេីយោងតាមប្រភពព័ត៍មានពីស្នងការដ្ឋាននគរបាលខេត្តព្រះសីហនុ បានឱ្យដឹងនៅព្រឹកថ្ងៃសៅរ៍ទី១៤ ខែឧសភា ឆ្នាំ២០២២។

របាយការណ៍ដដែល បានបន្តថា ជនសង្ស័យមានឈ្មោះ ជួន មន ភេទប្រុស អាយុ៣៥ ឆ្នាំ មុខរបរបើកបរ មានទីលំនៅភូមិអូរតាប៉ាង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។

ប្រភពដដែលបន្តថា ដោយមានការដឹកនាំបញ្ជារពីសំណាក់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កម្លាំងជំនាញអធិការដ្ឋាននគរបាលស្រុកព្រៃនប់ កាលពីថ្ងៃទី១៣ ខែឧសភាម្សិលមិញនេះ បានចុះបង្រ្កាបគ្រឿងញៀន០១ករណី ដោយឃាត់ខ្លួនជនសង្ស័យបានម្នាក់ វេលាម៉ោង១៩និង០០នាទីយប់ នៅចំណុចស្ពានអូរតាប៉ាងស្ថិតក្នុងភូមិអូរតាប៉ាង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។