ភ្នំពេញ៖ រថយន្តកូរ៉េដឹកសំរាមមួយគ្រឿងបានក្រឡាប់ផ្ងារជេីងរងការខូចខាតខណៈដែលកំពុងបេីកបរបំណងឆ្លងផ្លូវត្រូវរថយន្តម៉ាកTritonបេីកមកបុកពីក្រោយពេញទំហឹងកាលពីវេលាម៉ោង១និង៣០នាទីរសៀលថ្ងៃទី១៤ ខែឧសភា ឆ្នាំ២០២២ នៅលេីកំណាត់ផ្លូវជាតិលេខ៣ ស្ថិតក្នុងភូមិព្រៃកំបុត សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តកូរ៉េដឹកសំរាម ពណ៌ខៀវ ពាក់ស្លាកលេខកណ្តាល2A-4145 ធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីត្បូងទៅជេីង ខណៈមកដល់ចំណុចកេីតហេតុបានបត់ឆ្វេងឆ្លងផ្លូវត្រឡប់ទៅក្រោយវិញស្រាប់តែមានរថយន្តម៉ាកTriton ពណ៌ស ពាក់ស្លាកលេខតាកែវ 2C-0008 ធ្វេីដំណេីរមកពីក្រោយក្នុងល្បឿងលឿនជ្រុលទៅបុកពេញទំហឹងបណ្តាលឱ្យរថយន្តដឹកសំរាមក្រឡាប់ផ្ងារជេីងរងការខូចខាតយ៉ាងដំណំ។
ក្រោយពេលកេីតហេតុភាគីខាងរថយន្តបង្កបានចេញថ្លៃជួលជុលទៅលេីរថយន្តកូរ៉េដេីម្បីបញ្ចប់រឿងនៅកន្លែងកេីតហេតុ៕
ដោយ៖សុខាសែនជ័យ
