អបអរសាទរពិធីបើកយុទ្ធនាការឃោសនាបោះឆ្នោតជ្រើសរើសក្រុមប្រឹក្សាសង្កាត់ អាណត្តិទី៥ ឆ្នាំ២០២២-២០២៧ ក្រោមអធិបតីភាពដ៏ខ្ពង់ខ្ពស់ ឯកឧត្តម កែប ជុតិមា តំណាងរាស្ត្រមណ្ឌលរាជធានីភ្នំពេញ និងជាប្រធានក្រុមការងារគណបក្សប្រជាជនកម្ពុជាចុះជួយខណ្ឌដង្កោ រាជធានីភ្នំពេញ ព្រមទាំងក្រុមការងារជាច្រើនរូប និងប្រជាជនក្នុងខណ្ឌដង្កោប្រមាណជាង ៣,០០០ (បីពាន់) នាក់ នាថ្ងៃសៅរ៍ ៦រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២១ ខែឧសភា ឆ្នាំ២០២២។
ក្នុងថ្ងៃបើកយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នេះ ប្រជាជនកម្ពុជាបានធ្វើចលនាឃោសនាគណបក្សដែលខ្លួនគាំទ្រនៅតាមមូលដ្ឋានរៀងៗខ្លួន។ ក្នុងនាមសមាជិកគណបក្សប្រជាជនកម្ពុជា ខ្ញុំសូមថ្លែងអំណរគុណ ដល់សមាជិក សមាជិកាយើងគ្រប់រូប ដែលបានដាក់ការជឿជាក់មកលើគណបក្សប្រជាជនកម្ពុជា ជារៀងរហូតមក និងបានចូលរួមក្នុងយុទ្ធនាការនាព្រឹកនេះ សូមទទួលបាននូវសុខភាពល្អ ជោគជ័យគ្រប់ភារកិច្ច និងសុខសុវត្ថិភាពជានិច្ចនិរន្តរ៍៕
ដោយ៖ ជីណា
