ខេត្តស្ទឹងត្រែង ៖ យ៉ាងហោចណាស់ក៏មានមនុស្ស ប្រុសស្រី៣នាក់បានរងរបួសធ្ងន់និងស្រាល ក្នុងឧបទ្ទវហេតុគ្រោះថ្នាក់ចរាចរណ៍រវាងរថយន្តនិង គោយន្តកន្ត្រៃនិងបណ្តាលឲ្យរថយន្តរងការខូចខាតធន់។
ហេតុការណ៍នេះបានកើតឡើងនៅវេលាម៉ោង ៨:៣០នាទី ថ្ងៃទី២៤ ខែឧសភា ឆ្នាំ២០២២ស្ថិតត្រង់ចំណុចផ្លូវបំបែកភូមិជាំធំលើផ្លូវ ជាតិលេខ៩ ភូមិស្រែឬស្សី ឃុំស្រែឬស្សី ស្រុកថាឡាបរិវ៉ាត់ ខេត្តស្ទឹងត្រែង។
សមត្ថកិច្ចបានឲ្យដឹងថា អ្នកបើកបររថយន្តឈ្មោះ អីម លីចាន់ ភេទ ប្រុស អាយុ ៥២ឆ្នាំ ជនជាតិ ខ្មែរ មុខរបរ កសិករ មានទីលំនៅភូមិភ្នំស្វាយសង្កាត់បឹងកន្សែង ក្រុងបាលុង ខេត្តរតនគីរី បើកបរ រថយន្តម៉ាកតាកូម៉ាពណ៌សរ ផ្លាកលេខភ្នំពេញ2AA-0141 ធ្វើតំណើរក្នុងទិសដៅ ពីកើតទៅលិចមកដល់ចំណុចកើតហេតុបានបុកជាមួយគោយន្តកន្ត្រៃម៉ាកគូបូតាពណ៌ក្រហមបើកឆ្លងផ្លូវទិសដៅពីជើទៅកើត ដែលបើកបរដោយឈ្មោះ នេន រស្មីភេទប្រុសអាយុ ១៥ ឆ្នាំជនជាតិខ្មែរមុខរបរកសិករមានទីលំនៅភូមិជាំធំ ឃុំកោះស្នែងស្រុកបុរីអូរស្វាយសែនជ័យ ខេត្តស្ទឹងត្រែង បានបណ្ដាលឲ្យមានមនុស្សប្រុសស្រីរងរបួសធ្ងន់ស្រាល៣នាក់។
សមត្ថកិច្ចបានឲ្យដឹងទៀតថាអ្នករបួសមាន
១/ឈ្មោះគុណ សៀវ៉ៃ ភេទស្រីអាយុ 12 ឆ្នាំ ជនជាតិខ្មែរជាអ្នករួមដំណើរជាមួយរថយន្តបានរងរបួសធ្ងន់បញ្ជូនទៅសង្គ្រោះនៅមន្ទីរពេទ្យបង្អែកខេត្តស្ទឹងត្រែងហើយបន្តទៅខេត្តសៀមរាប។
២/ឈ្មោះ គុណ តាំងស្រ៊ុន ភេទប្រុសអាយុ 4 ឆ្នាំ ជនជាតិខ្មែរជាអ្នករកដំណើរជាមួយរថយន្តបានរងរបួសធ្ងន់បញ្ជូនទៅសង្គ្រោះនៅមន្ទីរពេទ្យបង្អែកខេត្តស្ទឹងត្រែង ហើយបន្តទៅពេទ្យសៀមរាប។
៣/ឈ្មោះអេង សៀលីមភេទស្រីអាយុ 52 ឆ្នាំ ជនជាតិខ្មែរ ជាអ្នករួមដំណើរជាមួយរថយន្តបានរងរបួសស្រាល បញ្ជូនទៅសង្គ្រោះនៅពេទ្យបង្អែកខេត្តស្ទឹងត្រែងហើយបន្តទៅខេត្តសៀមរាប។
ក្រោយកើតហេតុសមត្ថកិច្ច បានចុះទៅដល់គោលដៅដើម្បីធ្វើការត្រួតពិនិត្យនិងវាស់វែងហើយបានយក ហើយបានយករថយន្តនិងគោយន្តបង្កហេតុ យកទៅរក្សាទុកនៅអធិការដ្ឋានគរបាលស្រុកថាឡាបរិវ៉ាត់ ដើម្បី រងចាំការដោះស្រាយតាមនីតិវិធី៕

ដោយ៖ ស សម