ភ្នំពេញ៖ ជនសង្ស័យម្នាក់ត្រូវបានសមត្ថកិច្ចឃាត់ខ្លួនយកទៅសួនាំក្រោយពីធ្វេីសកម្មភាពលួចម៉ូតូមួយគ្រឿងមិនបានសម្រេច កាលពីវេលាម៉ោង៣និង៤០នាទី រសៀលថ្ងៃទី៣ ខែមិថុនា ឆ្នាំ២០២២ នៅចំណុចក្រោយវតកតសុភាឃួន ភូមិព្រៃទា២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យឈ្មោះខៀវ ម៉េង ភេទប្រុសអាយុ២៥ឆ្នាំ មុខរបរមិនពិតប្រាកដ ស្នាក់នៅសង្កាត់ចោមចៅទី៣ ខណ្ឌពោធិ៍សែនជ័យ ។
តាមប្រភពព័ត៌មានបានឱ្យដឹងថា មុនពេលកេីតហេតុម្ចាស់បានទុកម៉ូតូម៉ាកស្កូបពីពណ៌ ពាក់ស្លាកលេខភ្នំពេញ1IS 6942. នៅមុខផ្ទះដោយភ្លេចដកសោចេញហេីយចូលទៅក្នុងផ្ទះបាត់ លុះមកដល់វេលាកេីតហេតុស្រាប់តែមានជនសង្ស័យម្នាក់ដេីរថ្មេីជេីងឃេីញឱកាសល្អក៏បានឡេីងជិះកាច់សោបំណងជិះចេញទៅតែម្ចាស់ឃេីញទាន់ក៏ឃាត់ខ្លួនរួចប្រគល់ជូនសមត្ថកិច្ចតែម្តង។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌនៃអធិការដ្ឋាននគរបាលខណ្ឌពោធិ៍សែនជ័យដេីម្បីចាក់ការតាមនិតិវិធី៕ដោយ៖សុខាសែនជ័យ
