ភ្នំពេញ៖ បេីយោងតាមប្រភពព័ត៍មានពីរបាយការណ៍របស់អគ្គស្នងការនគរបាលជាតិ បានឱ្យដឹងនៅយប់ថ្ងៃអាទិត្យទី០៥ ខែមិថុនា ឆ្នាំ២០២២នេះថា៖ ជនសង្ស័យចំនួន៧នាក់ ត្រូវបានសមត្ថកិច្ចឃាត់ខ្លួនក្នុងប្រតិបត្តិការបង្ក្រាទបទល្មើសគ្រឿងញៀនចំនួន៣ករណីទូទាំងប្រទេស នៅថ្ងៃទី០៥ ខែមិថុនានេះ ។ ដូច្នេះសូមនិយាយថាទេចំពោះគ្រឿងញៀន !
របាយការណ៍ដដែលបានបន្តថា ក្នុងចំណោមជនសង្ស័យទាំងចំនួន៧នាក់ រួមមាន ៖ ករណីដឹកជញ្ជូន រក្សាទុក ៣ករណី ឃាត់មនុស្ស ៧នាក់ ។
វត្ថុតាងដែលចាប់យកសរុបក្នុងថ្ងៃទី០៥ ខែមិថុនា រួមមាន ៖ មេតំហ្វេតាមីន(Ice) ស្មើនិង ០,៧៥ក្រាម និង២កញ្ចប់តូច ។
លទ្ធផលខាងលើ ២អង្គភាពបានចូលរួមបង្ក្រាប ៖
នគរបាល ៖ ២អង្គភាព
១ / កណ្តាល៖ រក្សាទុក ១ករណី ឃាត់ ២នាក់ ចាប់យកIce ២កញ្ចប់តូច។
២ / រាជធានីភ្នំពេញ៖ រក្សាទុក ២ករណី ឃាត់ ៥នាក់ ចាប់យកIce ០,៧៥ក្រាម។
ជាមួយគ្នានោះ ករណីគ្រោះថ្នាក់ចរាចរណ៍ផ្លូវគោកទូទាំងប្រទេសនៅថ្ងៃទី០៥ ខែមិថុនា ឆ្នាំ២០២២នេះ បណ្តាលឲ្យមនុស្សស្លាប់៣នាក់(ស្រី២នាក់) របួសស្រាល ១នាក់។ សូមធ្វើដំណើរប្រកាន់ខ្ជាប់នូវច្បាប់ចរាចរណ៍ជានិច្ច !
ជាក់ស្ដែងយោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេសចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ នៅថ្ងៃទី០៥ ខែមិថុនា បានបញ្ជាក់ថា គ្រោះថ្នាក់ដែលបង្កឲ្យមានមនុស្សស្លាប់ និងរបួសចំនួន៤នាក់ កើតឡើងដោយសារការប៉ះទង្គិចគ្នាចំនួន ៣លើក ៕ដោយ៖សហការី
រូបភាព៖ឯកសារ
