ខេត្តកំពង់ស្ពឺ៖ លោក គីម សារឿន បានបញ្ជាក់ថា លោកបានចំណាយពេលត្រឹមតែ ០២:២៦:០៨ ដែលជាកំណត់ត្រាថ្មី លឿនបំផុត ឈ្នះកំណត់ត្រា របស់ជនជាតិអាមេរិក ដែលចំណាយពេលឡើងភ្នំឱរ៉ាល់លឿនបំផុត ក្នុងរយៈពេល ២ម៉ោង ២៦នាទី និង ៣៦វិនាទី។ នេះបេីយោងតាមប្រភពព័ត៍មានពីក្រសួងបរិស្ថាន នៅរសៀលថ្ងៃចន្ទទី០៦ ខែមិថុនា ឆ្នាំ២០២២។
ក្រសួងបរិស្ថាន បានឱ្យដឹងទៀតថា កីឡាករ គីមសារឿន កាលពីថ្ងៃទី០៤ មិថុនា កន្លងទៅ បានចូលរួមជាមួយកីឡាករ៣រូបទៀត គឺលោក ឃី សុភា (៤៧ឆ្នាំ) ៣-លោក កាន់ គន្ធី (៤៣ឆ្នាំ) និង ៤-មិត្តភក្ដិជនជាតិជប៉ុន លោក Hiroshi Ake (៥២ឆ្នាំ) ឡើងលើភ្នំឪរ៉ាល់ ចាប់ផ្តើមកឺចេញពី ថ្មដារៀម នាម៉ោង ៥:៣១ព្រឹក ជាលទ្ធផល លោក គីម កុក បានឡើងទៅដល់កំពូលភ្នំឱរ៉ាល់នៅម៉ោង ៧:៥៧ព្រឹកចំណាយពេលត្រឹមតែ០២ម ២៦នាទី និង០៨វិនាទី ទី២លោក កាន់ គន្ធី ប្រើថេរវេលា ០២:៣៨:៤៤ , ទី០៣លោក Hiroshi Ake ០២:៣៩:០៦ និងទី០៤ លោក ឃី សុភា ០៣:០១:១៩ ដែលសុទ្ធសឹងជាកំណត់ត្រាផ្ទាល់ខ្លួនរបស់ពួកគាត់ ។
គួរជម្រាបថា ភ្នំឱរ៉ាល់គឺជាភ្នំដែលមានកំពស់ខ្ពស់ជាងគេនៅក្នុងប្រទេសកម្ពុជា និងាមានកំពស់រហូតដល់ 1,813ម៉ែត្រ ស្ថិតនៅក្នុងដែនជម្រកសត្វព្រៃភ្នំឱរ៉ាល់ ក្នុងភូមិសាស្រ្តខេត្តកំពង់ស្ពឺ៕
ដោយ៖សហការី
