ក្លិប Cardiff City កំពុងបង្កើនកិច្ចខិតខំប្រឹងប្រែងរបស់ពួកគេដើម្បីចុះហត្ថលេខាលើប្រធានក្រុមជម្រើសជាតិវែល កីឡាករ Gareth Bale ដែលមិនគួរឱ្យជឿ។ ប្រធានក្លិបលោក Mehmet Dalman បានធ្វើដំណើរទៅកាន់ចក្រភពអង់គ្លេសដើម្បីដឹកនាំការចរចា។
Bale មានវ័យ៣២ឆ្នាំអាចរកបានលើការផ្ទេរដោយឥតគិតថ្លៃបន្ទាប់ពីចាកចេញពី Real Madrid បន្ទាប់ពីរយៈពេល៩ឆ្នាំក្នុងប្រទេសអេស្ប៉ាញ អំឡុងពេលដែលគាត់បានឈ្នះពានរង្វាន់ Champions League ចំនួន៥ដង។ កាលពីថ្ងៃអាទិត្យ ការទាត់បាល់ហ្វ្រីឃីករបស់គេបានជួយឲ្យវែលទទួលជ័យជម្នះ ១-០ លើអ៊ុយក្រែន និងបានកៅអីមួយក្នុងការប្រកួត World Cup ក្នុងប្រទេសកាតា។ការត្រលប់ទៅក្លិប Tottenham ឬការផ្លាស់ទៅក្លិប Major League Soccer នៅសហរដ្ឋអាមេរិកក៏ត្រូវបានជ្រើសរើសជាជម្រើសដែលអាចធ្វើបានផងដែរ ខណៈដែល Bale សម្លឹងរកការបញ្ចប់អាជីពតារារបស់គាត់ប៉ុន្តែក្លិបCardiff ក៏ស្ថិតក្នុងរូបភាពក្នុងការទាក់ទាញការចាប់អារម្មណ៍ចង់បានកីឡាកររូបនេះដែរ។Bale ធ្លាប់លេងនៅ Cardiff ប៉ុន្តែបានផ្លាស់ទៅលេងនៅ Southampton, Tottenham និង Real Madrid។ Cardiff ត្រូវបានគេមើលឃើញថា ជាជម្រើសមួយដោយសារតែការពិចារណាចម្បងរបស់ Bale គឺការដឹកនាំក្រុមវែលក្នុងការប្រកួត World Cup ជាលើកដំបូងរបស់ពួកគេក្នុងរយៈពេល៦៤ឆ្នាំ។
ពួកគេសង្ឃឹមថា ការផ្តល់ឱកាសឱ្យ Bale ដើម្បីដឹកនាំពួកគេត្រលប់ទៅ Premier League នឹងក្លាយជាកត្តាជំរុញឱ្យគាត់ចុះកិច្ចសន្យាសូម្បីតែលើសពីរដូវកាល២០២២-២០២៣។ ហិរញ្ញវត្ថុក្លិប Cardiff អាចជាកត្តារារាំងដំណើរការចរចា ដោយកីឡាកររូបនេះកាលពី Real Madrid រកបាន៦០០,០០០ផោនក្នុងមួយសប្តាហ៍ ច្រើនជាងប្រាក់ឈ្នួលប្រចាំសប្តាហ៍របស់ក្រុម Cardiff ប៉ុន្តែ Bale ត្រូវបានគេជឿថា បើកចំហរក្នុងការកាត់បន្ថយប្រាក់ឈ្នួលដ៏សំខាន់ ខណៈដែលការផ្លាស់ប្តូរនេះនឹងមានការទាក់ទាញទីផ្សារដ៏ធំសម្រាប់ក្លិប ៕ (រូបភាព ៖ BBC Sport)
