ខេត្តក្រចេះ : នគរបាលបានចាប់ឃាត់ខ្លួនមនុស្ស៣នាក់ រួមមាន ១នាក់ជាម្ចាស់ផ្ទះ និងបក្ខពួកពីរផ្សេងទៀត ករណីបទល្មើសគ្រឿងញៀន។
ការបង្រ្កាបបទល្មើសនេះ ដោយមានការចង្អុលបង្ហាញពីលោកឧត្តមសេនីយ៍ស្នងការ កម្លាំងនគរបាលព្រហ្មទណ្ឌកម្រិតស្រាលសហការណ៍ជាមួយកម្លាំងអធិការដ្ឋាននគរបាលក្រុងក្រចេះ និងកម្លាំងការិយាល័យនគរបាលប្រឆាំងគ្រឿងញៀន នៅវេលាថ្ងៃត្រង់ទី១១ ខែមិថុនា ឆ្នាំ២០២២នេះ បានចុះធ្វើការបង្ក្រាប ករណីទទួលផលចោរកម្មមួយករណី ស្ថិតនៅភូមិកំបោរ ឃុំគោលាប់ ស្រុកចិត្របុរី។
ក្នុងប្រតិបត្តិការណ៍នោះ នគរបាលបានចាប់ឃាត់ខ្លួនមនុស្ស៣នាក់ រួមមាន ១នាក់ជាម្ចាស់ផ្ទះ និងបក្ខពួកពីរផ្សេងទៀត។ ជាមួយគ្នានោះ ក៏រឹបអូសបានម៉ូតូ២គ្រឿង ព្រមទាំងឧបរកណ៍ដែលពួកគេកែច្នៃទុកសម្រាប់ឆបោក បានមួយចំនួនធំ។
ក្រោយការឃាត់ខ្លួនជនទាំងនេះត្រូវបាននាំខ្លួនមកកាន់ការិយាល័យព្រហ្មទណ្ឌកម្រិតស្រាល ដេីម្បីចាត់ការបន្តតាមនីតិវិធី។
បច្ចុប្បន្នសមត្ថកិច្ចជំនាញកំពុងធ្វើកំណត់ហេតុស្តាប់ចម្លើយ ដើម្បីកសាងសំណុំរឿងបញ្ជូនទៅសាលាដំបូងខេត្ត៕
ដោយ : សហការី
