ខេត្តតាកែវ ៖ កម្លាំងសមត្ថកិច្ចនគរបាលស្រុកព្រៃកប្បាសបានឃាត់ខ្លួនជនសង្ស័យម្នាក់ដែលជាមុខសញ្ញាចែកចាយនិងជួញដូរដោយខុសច្បាប់នូវសារធាតុញៀន ប្រព្រឹត្តនៅក្នុងភូមិត្រពាំងរកា ឃុំអង្កាញ់ ស្រុកព្រៃកប្បាស ខេត្តតាកែវ។
យោងតាមរបាយការណ៍របស់សមត្ថកិច្ចនគរបាលស្រុកព្រៃកប្បាសនាព្រឹកថ្ងៃទី១៣ ខែមិថុនា ឆ្នាំ២០២២ បានឱ្យដឹងថា ជនសង្ស័យមានឈ្មោះ អ៊ូច សំអុល អាយុ២៣ឆ្នាំ រស់នៅភូមិត្រពាំងរកា ឃុំអង្កាញ់ ស្រុកព្រៃកប្បាស ខេត្តតាកែវ ត្រូវបានឃាត់ខ្លួនកាលពីថ្ងៃទី១២ ខែ មិថុនា ឆ្នាំ២០២២។
វត្ថុតាងដែលសមត្ថកិច្ចដកហូតបានមាន៖ គ្រឿងញៀនប្រភេទម៉ាទឹកកក ចំនួន៣៨កញ្ចប់ និងទូរស័ព្ទដៃ០១គ្រឿង ម៉ាកណូគា។
បច្ចុប្បន្ន ជនសង្ស័យត្រូវបានបញ្ចូនទៅកាន់ស្នងការដ្ឋាននគរបាលខេត្ត តាកែវ ដើម្បីកសាងសំណុំរឿងបញ្ជូនទៅកាន់តុលាការបន្តចាត់ការតាមនីតិវិធី៕

ដោយ៖ ជ្រោយពេជ្រ