ខេត្តរតនគីរី៖ បេីយោងតាមប្រភពព័ត៍មានពីក្រសួងបរិស្ថាន បានឱ្យដឹងនៅព្រឹកថ្ងៃចន្ទទី០៤ ខែកក្កដា ឆ្នាំ២០២២នេះថា៖ វាលធំ ឧទ្យានជាតិ វីរៈជ័យ ជាតំបន់ទេសភាពធម្មជាតិគ្របដណ្តប់ដោយវាលស្មៅពណ៌បៃតងខៀវខ្ចីដ៏ធំល្វឹងល្វើយ និងជ្រលងភ្នំខ្ពស់-ទាបដ៏ស្រស់ស្អាត។ យើងអាចមើលទេសភាព ៣៦០ដឺក្រេ មើលថ្ងៃលិច ថ្ងៃរះ និងសម្រាកបោះតង់លំហែ ជាទិសដៅដែលអ្នកទេសចរណ៍ធម្មជាតិ ជាពិសេសអ្នកចូលចិត្តឡើងភ្នំផ្សងព្រេង មិនគួររំលងកន្លែងទេសភាពដ៏ល្អឯកមួយនេះ។
ចំពោះការធ្វើដំណើរ ចេញពីស្រុកតាវែង ទៅដល់វាលធំ ចម្ងាយផ្លូវ ៣២គីឡូម៉ែត្រ ហេីយយេីងអាចជិះម៉ូតូដល់វាលធំក្នុងករណីអត់ភ្លៀង បើករណីមានភ្លៀងជិះម៉ូតូបាន១៨គ.មដល់ជើងភ្នំជីអ៊ីក ត្រូវដើរដោយថ្មើរពីជើងភ្នំទៅវាលធំ ១៤គីឡូម៉ែត្រ។
គួរជម្រាបដែរថា វាលធំស្ថិតក្នុងឧទ្យានជាតិវីរៈជ័យ ភូមិសាស្រ្ត ឃុំកោះប៉ង ស្រុកវើនសៃ និងឃុំតាវែង ខេត្តរតនគីរី៕
ដោយ៖សហការី
