ភ្នំពេញ៖ ប្រទះឃើញសពនារីម្នាក់អណ្តែតទឹកមាត់ច្រាំងទន្លេសាប ក្រោមស្ពានជ្រោយចង្វាថ្មីប៉ែកខាងកើតនៅមិនស្គាល់អត្តសញ្ញាណ ។
ហេតុការណ៍ភ្ញាក់ផ្អើលកាលពីម៉ោងជិត៩ព្រឹក ថ្ងៃទី០៧ ខែឧសភា ឆ្នាំ២០១៦ នៅគល់ស្ពាន ជ្រោយចង្វាថ្មី ស្ថិតនៅក្នុងងភូមិដើមគរ សង្កាត់-ខណ្ឌជ្រោយចង្វា ។
សមត្ថកិច្ចនគរបាលមូលដ្ឋានបានឲ្យដឹងថា សពនារីរងគ្រោះសំបុរសណ្តែកបាយ មាន អាយុប្រហែលជិត៣០ឆ្នាំ ស្លៀកខោខ្មៅជើងវែង ពាក់អាវយឺតរងារ ដៃវែង ពណ៍ខៀវស ឆ្នូតពណ៏ក្រហម។
ប្រភពព័ត៌មានពីកន្លែងកើតហេតុបានអោយដឹងថា កាលម៉ោងប្រហែល១រសៀល ថ្ងៃទី៦ ខែឧសភា ឆ្នាំ២០១៦ គេឃើញនារីរងគ្រោះបានដើរឡើងលើស្ពានចាស់ក្នុងទិសដៅពីលិចមកកើត។លុះដើរមកដល់ពាក់កណ្តាលស្ពានបំរុងលោតពីលើស្ពានតែត្រូវបានអ្នកធ្វើការងារតខ្សែកាបនៅលើស្ពាននោះជួយទាន់បានអោយជិះម៉ូតូឌុបត្រឡប់ទៅវិញបាត់ទៅ ។ លុះនៅវេលាម៉ោង ៥ និង ២០ នាទីល្ងាចថ្ងៃខែឆ្នាំដដែលនោះស្រាប់តែគេឃើញនារីខាលើដើរមកពីចំណុចដដែលក្នុងគោលបំណងលោតទៀត ពេលដើរមកដល់ពាក់កណ្តាលស្ពាន ក៏សកម្មភាពលោតពីលើស្ពានលេចចូលទៅក្នុងបាត់តែម្តង ។ លុះវេលាម៉ោង កើតហេតុខាងលើត្រូវ បានប្រជាពលរដ្ឋជនជាតិឥស្លាមដាក់មងតាមដងទន្លេសាបប្រទះឃើញអណ្តែតទឹកនៅចណុចខាងលើកក៏មានការណ៍ភ្ញាក់ផ្អើលដល់ប្រជាពលរដ្ឋមកចោមរោមមើល និងរាយការណ៍ទៅសមត្ថកិច្ចមូលរដ្ឋានអោយចុះមកពិនិត្យនៅកន្លែងកើតហេតុ ។
សពត្រូវបានសមត្ថកិច្ចនគរបាលមូលដ្ឋានទំនាក់ទំនងសមត្ថកិច្ចជំនាញ ធ្វើកោសល្យវិច័យនៅវត្តប្រជុំសាគរហៅវត្តថ្មី រួចតម្កល់ទុកសពនៅទីនេះរង់ចាំ ស្វែងរកក្រុមគ្រួសារមកធ្វើបុណ្យតាមប្រពៃណី ៕
ដោយ៖ ជ្រោយពេជ្រ
