ភ្នំពេញ៖ យុវជនម្នាក់ ខណៈមកពីលេងបន្ទប់ជួលបងប្អូន រួចទុកម៉ូតូនៅក្រៅបន្ទប់ ហើយឡើងទៅដេកក្នុងបន្ទប់ជាប់ទី២ ត្រូវជនសង្ស័យលួចកាច់សោ ក យកទៅបាត់ កាលពីវេលាម៉ោង៥និង៣០នាទីព្រឹក ថ្ងៃទី១០ ខែឧសភា ឆ្នាំ2016 នៅបន្ទប់ជួល ភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ វេលាម៉ោង10និង15នាទីព្រឹក ថ្ងៃទី10 ខែឧសភា ឆ្នាំ២០១៦ ទើបមកដាក់ពាក្យបណ្ដឹងនៅប៉ុស្តិ៍នគរបាលចោមចៅ អោយជួយអន្តរាគមន៍ ។
យុវជនរងគ្រោះ មានឈ្មោះ រៀប តុលា អាយុ19ឆ្នាំ មុខរបរកម្មកររោងចក្រ ស្នាក់នៅបុរីសន្តិភាព02 ភូមិដំណាក់ត្រយឹង សង្កាត់ចោមចៅ ខណ្ឌពោធិ៍សែនជ័យ ។ ចំណែកម៉ូតូដែល ជនសង្ស័យលួចកាច់កយកទៅបាត់ ម៉ាក C125 សេរី ឆ្នាំ2010 ពណ៌ខ្មៅ ពាក់ស្លាកលេខ 1AQ- 3907 ។
តាមការរៀបរាប់ ពីយុវជនរងគ្រោះខាងលើ បានឲ្យដឹងថា មុនថ្ងៃកើតហេតុនៅវេលាម៉ោង៤ទៀបភ្លឺ រួប គេបានមកពីលេងផ្ទះបងប្អូននៅផ្ទះជួលដំបូលខៀវ ហើយបានយកម៉ូតូមក ចាក់សោទុកមុខបន្ទប់ជួលជាន់ក្រោម ហើយរូបគេបានឡើងទៅដេកនៅជាន់ទី02 លុះដល់វេលាម៉ោង05និង 30នាទីព្រឹក ក្រោកពីដំណេកមកមើលម៉ូតូ ស្រាប់តែ មិនឃើញម៉ូតូ ដែលខ្លួនចាក់សោទុក នៅមុខបន្ទប់ ហើយសោទ្វាររបងក៏ របើកទៀត ទើបដឹងថា មានជនសង្ស័យចូលលួចយកម៉ូតូ ទើបផ្អើលឆោឡោ រហូតដល់វេលាម៉ោង១០និង១៥នាទីព្រឹកថ្ងៃទី10 ខែឧសភា ឆ្នាំ2016 ទើបទៅប្តឹងនគរបាលប៉ុស្តិ៍ចោមចៅ ឲ្យជួយអន្តរាគមន៍ និងស្រាវជ្រាវ ៕
ដោយ៖ សុខាសែនជ័យ
