ខេត្តស្វាយរៀង: អ្នកភូមិកំពុងដេកលង់លក់ស្កប់ស្កល់ក្នុងដំណេកស្រាប់តែភ្ញាក់ស្រឡាំងកាំងផ្អើលគ្រប់ៗគ្នាខណៈមានរថយន្តយីឌុបដឹកស្រូវមួយគ្រឿងសង្ស័យអ្នកបើកងងុយដេកបុករង្វង់មូលរូបក្រពើស្រុកកំពង់រោទ៍ផ្អើលទាំងកណ្ដាលអធ្រាត្រសំណាងមនុស្សរបួសស្រាល។
ហេតុការណ៍នេះបានកើតឡើងកាលពីវេលាម៉ោង២និង៣៥នាទីទាបភ្លឺ
ថ្ងៃទី១៨សីហាឆ្នាំ២០២២ស្ថិតនៅរង្វង់មូលរូបក្រពេី នៅលើផ្លូវជាតិលេខ៣១៤Dចន្លោះបង្គោលលេខ១៥និង១៦ចំណុចភូមិស្វាយអាណាតឃុំញរស្រុកកំពង់រោទិ៍ ខេត្តស្វាយរៀង។
តាមសមត្ថកិច្ចនគរបាលបានអោយដឹងថាអ្នកបើករថយន្តមានឈ្មោះរស់ រ៉ូ អាយុ២៧ឆ្នាំមុខរបរ អ្នកបេីកបរមានទីលំនៅភូមិស្វាយតានី ឃុំបឹងព្រះ ស្រុកបាភ្ភ្នំ ខេត្តព្រៃវែង។
តាមសមត្ថកិច្ចបានបញ្ជាក់ថាមុនកើតហេតុមានរថយន្តដឹកស្រូវមួយគ្រឿងម៉ាក ហុីយិនដាយពណ៌សលាយពណ៌ខៀវពាក់ស្លាកលេខភ្នំពេញ៣A-១៨៨១
ក្នុងទិសដៅពីជើងទៅត្បូង ខណៈនោះស្រាប់តែបើកបុកនិងរង្វង់មូលរូបក្រពេីយ៉ាងពេញទំហឹងបណ្ដាលឱ្យអ្នកភូមិកំពុងដេកលង់លក់ស្កប់ស្កល់ក្នុងដំណេកស្រាប់តែភ្ញាក់ស្រឡាំងកាំងផ្អើលគ្រប់ៗគ្នាចេញមកមើលសំណាងមនុស្សរបួសស្រាល។
សមត្ថកិច្ចបានបញ្ជាក់ថាមូលហេតុដោយសាតែ អ្នកបើកបរងងុយដេកទើបជួបគ្រោះថ្នាក់ចរាចរណ៍បែបនេះ។
បច្ចុប្បន្នរថយន្តត្រូវបានសមត្ថកិច្ចវាស់វែងនិងអូសយកមករក្សាទុកនៅប៉ុស្តិ៍រដ្ឋបាលញរដើម្បីដោះស្រាយតាមច្បាប់៕
ដោយ៖ សុថាន
