ខេត្តពោធិ៍សាត់៖​ មន្រ្តីមណ្ឌលអប់រំកែប្រែទី៤ (ម៤) ស្រុកភ្នំក្រវាញម្នាក់ស្លាប់នៅក្នុងអង្រឹងត្រូវបានគេសង្ស័យបណ្ដាលមកពីខ្យល់គ។​

ហេតុការណ៍នេះភ្ញាក់ផ្អើលឡើងកាលពីវេលាម៉ោង ៥និង៣០នាទីល្ងាចថ្ងៃទី១៣​ ខែឧសភា​ ឆ្នាំ២០១៦​ ត្រង់ចំណុចអគាល្ហល្ហេវមួយក្នុងបរិវេណមណ្ឌលអប់រំកែប្រែទី៤ (ទី៤) ស្រុកភ្នំក្រវាញ​ ស្ថិតភូមិព្រហស្ថក្បាល​ ឃុំផ្ទះរុង​ ស្រុកភ្នំក្រក្រវាញ​ ខេត្តពោធិ៍សាត់។​

អាវុធហត្ថមូលដ្ឋានស្រុកប្រាប់ថា បុរសរងគ្រោះត្រូវបានគេស្គាល់ឈ្មោះ​ ហែម​ ទិត្យ​ អាយុ​៣៣​ឆ្នាំ​ សញ្ជាតិខ្មែរ​ រស់នៅភូមិត្រពាំងព្រីង​ ឃុំត្រពាំងប្លុង​ ស្រុកពញាក្រែក​ ខេត្តត្បូងឃ្មុំ​។​​ មុខរបនិងឋានៈនាយរងផ្នែកសន្តិសុខអន្តរាគមន៍នៃមណ្ឌលអប់រំកែប្រែទី ៤(ម៤) ស្រុកភ្នំក្រវាញ (កន្លែងកើតហេតុ)។​

ប្រភពខាងលើបន្តថា ក្រោយកើតហេតុកម្លាំងសមត្តកិច្ចបាននាំគ្នាចុះទៅកន្លែង​ដើម្បីធ្វើការស្រាវជ្រាវពិនិត្យលើខ្លួនប្រាណសាកសពយ៉ាងម៉ត់ចត់ទើបសន្និដ្ឋានថា​ ជនរងគ្រោះស្លាប់អាចបណ្ដាលមកពីខ្យល់គ​ ឡើងឈាមដាច់សរសៃឈាមខួរក្បាល។​

ប្រភពដដែលអះអាងបន្តទៀតថា បន្ទាប់ពីធ្វើការស្រាវជ្រាវពិនិត្យយ៉ាងយកចិត្តទុកដាក់នៅព្រឹកថ្ងៃទី១៤ ខែឧសភា នេះ ​ឃើញថា​ មិនមានស្លាកស្នាមអ្វីជាប់ពាក់ព័ន្ធគួរឲ្យសង្ស័យទេនោះ​ ក៍បានប្រគល់ឲ្យសាច់ញាតិនៃក្រុមគ្រួសារយកទៅធ្វើបុណ្យតាមប្រពៃណី៕

ដោយ៖ ប៉ឹម ពិន