ខេត្តស្វាយរៀង: យ៉ាងហោចណាស់ស្ត្រីជាបុគ្គលិកកាស៊ីណូម្នាក់ស្លាប់និងរងរបួសស្រាល៤នាក់ដោយសារករណីគ្រោះថ្នាក់ចរាចរណ៍រវាងរថយន្តtoyota camry បើកបរក្នុងស្ថានភាពស្រវឹងបុកជាមួយម៉ូតូស្របទិសគ្នាពេញទំហឹងបង្កការភ្ញាក់ផ្អើលទាំងយប់។

ហេតុការណ៍នេះបានកើតឡើងកាលពីវេលាម៉ោង១០និង១០នាទីយប់
ថ្ងៃទី៣១ខែសីហាឆ្នាំ ២០២២លើផ្លូវលេខ៣១៤D  ចន្លោះបង្គោលគីឡូម៉ែត្រលេខ២៤និង២៥ស្ថិតនៅ      ភូមិអូរ ឃុំថ្មី ស្រុកកំពង់រោទ៍ ខេត្តស្វាយរៀង ។

យោងតាមសមត្ថកិច្វនគរបាលស្រុកបានអោយដឹងថាអ្នកស្លាប់មានឈ្មោះហួត នឿន អាយុ ៤៦ឆ្នាំ មុខរបរ មុខរបរបុគ្គលិកកាសុីណូ មានទីលំនៅភូមិព្រៃត្រុំ ឃុំញរ ស្រុកកំពង់រោទ៍ ខេត្តស្វាយរៀងជិះម៉ូតូម៉ាកHonda Dream សេ១២៥ពណ៌ខ្មៅ ផលិតឆ្នាំ២០១៣ ពាក់ស្លាកលេខ ស្វាយរៀង ១H.៣៩២០ខូចខាតទាំងស្រុង។

ចំណែកអ្នកបើករថយន្តត្រូវបានស្គាល់ឈ្មោះ ញឹម សារី អាយុ ៥០ឆ្នាំ មុខរបរ កសិករ មានទីលំនៅភូមិ ទួលស្ដី ឃុំទួលស្ដី ស្រុកចន្រ្តា ខេត្តស្វាយរៀងអ្នករួមដំណើរ៣នាក់មាន ឈ្មោះ អឹម យៀន ភេទប្រុសអាយុ៦១ឆ្នាំ មុខរបរ កសិករ មានទីលំនៅភូមិ ទួលស្ដី ឃុំទួលស្ដី ស្រុកចន្រ្តា ខេត្តស្វាយរៀង ទី២ឈ្មោះ ព្រំ ដែង ភេទប្រុសអាយុ៦០ឆ្នាំ មុខរបរ កសិករ មានទីលំនៅភូមិ ទួលស្ដី ឃុំ ទួលស្ដី ស្រុកចន្រ្តា ខេត្តស្វាយរៀង និងទី៣ឈ្មោះ សុខ ដា ភេទប្រុសអាយុ៤៩ឆ្នាំ មុខរបរ គ្រូបង្រៀនមានទីលំនៅភូមិដីក្រហមឃុំ មេសថ្ងកស្រុកចន្រ្តា បើករថយន្តម៉ាកtoyota camry ពណ៌ ទឹកប្រាក់ ផលិតឆ្នាំ ១៩៩៨ ផ្លាកលេខ ភ្នំពេញ ២M. ៦១៤៧ ខូចខាតយ៉ាងដំណំ។

តាមសាក្សីបានអោយដឹងថាមុនកើតហេតុមានស្ត្រីម្នាក់ជិះម៉ូតូមួយគ្រឿងម៉ាកម៉ាកHonda Dream សេ១២៥ពណ៌ខ្មៅ ផលិតឆ្នាំ២០១៣ ពាក់ស្លាកលេខ ស្វាយរៀង ១H.៣៩២០ដោយធ្វើដំណើរពីជើងមកត្បូងខណៈនោះស្រាប់តែមានរថយន្តមួយគ្រឿងម៉ាកtoyota camry ពណ៌ ទឹកប្រាក់ ផលិតឆ្នាំ ១៩៩៨ ពាក់ស្លាកលេខ ភ្នំពេញ ២M. ៦១៤៧ជិះគ្នា៤នាក់ដោយបើករថយន្តក្នុងស្ថានភាពស្រវឹងបុកពីក្រោយយ៉ាងពេញទំហឹងបង្កការភ្ញាក់ផ្អើលដល់អ្នកភូមិទាំងយប់។

ក្រោយកើតហេតុសពត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី និងវត្ថុតាងសមត្ថកិច្ចធ្វើការវាស់វែងនិងអូសយកមករក្សាទុកនៅប៉ុស្តិ៍នគរបាលរដ្ឋបាលថ្មីដើម្បីដោះស្រាយបន្តតាមច្បាប់៕

ដោយ៖  សុថាន