(កំពង់ធំ)÷ថ្ងៃចន្ទ១០កើត ខែភទ្របទ ឆ្នាំខាល ចត្វាស័កព.ស២៥៦៦ ត្រូវថ្ងៃទី០៥ខែកញ្ញាឆ្នាំ២០២២ វេលាម៉ោង១៥:៤០នាទីល្ងាច នៅភូមិត្រពាំងទូក ឃុំបាក់ស្នាស្រុកបារាយណ៍ ខេត្តកំពង់ធំ មានករណីគ្រោះថ្នាក់ចរាចរណ៍ កើតឡើងរវាងរថយន្ត និងម៉ូតូក្នុងដំណើរ ច្រាសទិសគ្នា ពីលិចទៅកើត បណ្តាលឲ្យរបួសមនុស្ស០២នាក់ធ្ងន់ ខូចម៉ូតូ០១គ្រឿងនិងរថយន្ត០១គ្រឿង។

       តាមប្រភពពីសមត្ថកិច្ចបានបញ្ជាក់ថា ម៉ូតូវ៉េវអាលហ្វាពណ៌ខ្មៅ ផ្លាកលេខគ្មានសេរី(ចាស់)បើកបរដោយឈ្មោះ ហោ ព្រីន ភេទប្រុស អាយុ២៣ឆ្នាំ នៅភូមិរូងឃុំក្រវ៉ា( របួសបាក់ភ្លៅខាងឆ្វេង) អ្នករួមដំណើ មិនស្គាល់អត្តសញ្ញាណនៅភូមិកំពប់អំបិល របួលបាក់ភ្លៅខាងឆ្វេង។

ចំពោះឡានម៉ាក Toyota  ពណ៍ស ពាក់​ផ្លាកលេខ ភ្នំពេញ ២R១៥៤៨ អ្នក​បេីក​បរ​ ឈ្មោះ អ៊ុំ ម៉ារ៉ាឌី ភេទប្រុស អាយុ២២ឆ្នាំ នៅភូមិព្រៃងា ឃុំផ្អាវ ស្រុកបាធាយ ខេត្តកំពង់ចាម។ មូលហេតុ អ្នកបើកបរម៉ូតូ  បើកលឿនចំណុចផ្លូវកោង ខ្វះការប្រុងប្រយ័ត្នមិនប្រកាន់ស្តាំបណ្តាលឲ្យគ្រោះថ្នាក់។

     ចំណែកវត្ថុតាង រថយន្ត និងម៉ូតូ រួមជាមួយអ្នកបើកបររថយន្ត ឃាត់ខ្លួន មករក្សាទុកនៅអធិការដ្ឋាននគរបាលស្រុកបារាយណ៍ ដើម្បីបំពេញនីតិវិធីតាមផ្លូវច្បាប់ អ្នករបួសបញ្ជូនទៅមន្ទីរពេទ្យបង្អែកបារាយណ៍-សន្ទុក ។