ភ្នំពេញ៖ នៅព្រឹកទី១៦ ខែឧសភា ឆ្នាំ២០១៦ វេលាម៉ោង៨ និង៣០នាទី សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា បានអនុញ្ញាតឲ្យ លោក ចាង លី អគ្គនាយកនិងជាប្រធានក្រុមប្រឹក្សាភិបាលចលនទ្រព្យហ្វូលិ ចូលជួប
សម្តែងគួរសមនៅភូមិគ្រឹះចំការមន។
ក្រុមហ៊ុន ហ្វូ លិ កាលពីឆ្នាំ ២០១៥ រកចំណូលបាន ១០ ពាន់លានដុល្លារ ហើយប្រាក់ចំណេញសុទ្ធបន្ទាប់ពីបង់ពន្ធរួចរាល់ នៅសល់ ២ ពាន់លានដុល្លារ។ សព្វថ្ងៃនេះ ក្រុមហ៊ុ់នបានសម្រេចបោះទុនវិនិយោគ បង្កើតរោងចក្របារី សីុហ្គា នៅឯទីក្រុងព្រះសីហនុ ហើយកំពុងសំលឹងរកឱកាសវិនិយោគលើវិស័យទេសចរណ៏ សណ្ឋាគារផ្កាយ៥ និង ឧស្សាហកម្មកែឆ្នៃផ្សេងៗទៀតនៅកម្ពុជា។ លោកចាង លិ ក៏ស្នើរសំុអោយ សម្តេចប្រធានរដ្ឋសភា ជួយគាំទ្រនូវការវិនិយោគ និងការធ្វើជំនួញនៅក្នុងព្រះរាជាណាចក្រកម្ពុជាផងដែរ។
ជាការឆ្លើយតបសម្តេចប្រធានក៏បានមានប្រសាសន៍ ថាទាំងរដ្ឋសភា និង រាជរដ្ឋាភិបាល តែងតែគាំទ្រដល់ការវិនិយោគទុនបរទេសដូចជាក្រុមហ៊ុ់នរបស់លោក ចាង លិ និងសូមជូនពរដល់ក្រុមហ៊ុនលោកបានទទួលជោគជ័យ។
ដោយ៖ សុវណ្ណារ៉ា
