ភ្នំពេញ​៖​ រថយន្តឃ្លប់ដឹកទំនិញមួយគ្រឿងបេីកលឿនមិនប្រយ័ត្នជ្រុលបុករថយន្តប៉ាចេរ៉ូរុញផ្ទប់រថយន្តព្រូសមួយគ្រឿងទៀតរងការខូចខាត។

ហេតុការណ៍​នេះបានកេីតឡេីងកាលពីវលាម៉ោង១និង៣០នាទីរសៀលថ្ងៃ១៣ខែកញ្ញាឆ្នាំ២០២២ស្ថិតតាមបណ្តោយជាតិលេខ៤​ ត្រង់ចំណុចមុខវត្តជម្ពូវ័ន ភូមិជម្ពូវ័ន១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មាននៅកន្លែងកើតហេតុបានឱ្យដឹងថា នៅមុនពេលកើតហេតុគេបានឃើញរថយន្តម៉ាកតូយ៉ូតាព្រូស​ ពណ៍ស​ ពាក់ស្លាកលេខភ្នំពេញ2AH-4314ធ្វើដំណើរតាមបណ្តោយផ្លូវជាតិលេខ៤ក្នុងទិសដៅពីលិចទៅកើតខណៈពេលមកដល់ចំណុចកើតហេតុខាងលើមានក្រុមក្មេងៗសិស្សសាលាឆ្លងផ្លូវភ្លាមៗនោះអ្នកបើកបររថយន្តតូយ៉ូតាព្រូសបានជាន់ហ្រ្វាំងឈប់ដើម្បីអោយក្រុមក្មេងៗសិស្សសាលឆ្លងផ្លូវស្របពេលនោះមានរថយន្តម៉ាកប៉ាចេរ៉ូមួយគ្រឿងពណ៌ទឹកប្រាក់លាយទឹកប៊ិចពាក់ស្លាកលេខភ្នំពេញ2G-2714ធ្វើដំណើរតាមក្រោយក៏បានជាន់ហ្វ្រាំងបន្ថយល្បឿងដែរ​ ភ្លាមនោះស្រាប់តែមានរថយន្តឃ្លប់មួយគ្រឿងទៀតម៉ាកហ៊ីយ៉ាន់ដាយពណ៌ស​ ពាក់ស្លាកលេខភ្នំពេញ3F-2389​
ធ្វើដំណើរស្របគ្នាក្រោយគេជាន់ហ្វ្រាំងមិនទាន់ក៏បានជ្រុលទៅបុកគូទរថយន្តម៉ាកប៉ាចេរ៉ូពីក្រោយរុញផ្ទប់រថយន្តម៉ាកតូយ៉ូតាព្រូសទៀតពេញទំហឹងបណ្តាលឱ្យរងការខូចខាតរថយន្តទាំង៣គ្រឿងយ៉ាងដំណំតែសំណាងល្អមិនបណ្តាលឱ្យមនុស្សណាម្នាក់រងរបួសនោះឡើយ។

ក្រោយកើតហេតុគេបានឃើញមានសមត្ថកិច្ចជំនាញមូលដ្ឋានចុះធ្វើការវាស់វែងយករថយន្តទាំង៣គ្រឿងដាក់អែបខាងអោយដំណាងភាគីទាំងសងខាងធ្វើការសម្របសម្រួលគ្នា៕

ដោយ៖សុខាសែនជ័យ