ភ្នំពេញ៖ ស្ត្រីម្នាក់ជិះម៉ូតូតាមដងផ្លូវត្រូវជនសង្ស័យចំនួន២នាក់ជិះម៉ូតូមកពីក្រោយធ្វេីសកម្មភាពឆក់ការបូបស្ពាយបានសម្រេចបណ្តាលឱ្យជនរងគ្រោះដួលហេីយជនសង្ស័យគេចខ្លួនបាត់។
ហេតុការណ៍នេះបានកេីតឡេីងកាលពីវេលាម៉ោង១និង៤០នាទីរសៀល ថ្ងៃទី២២ ខែកញ្ញា ឆ្នាំ២០២២ នៅចំណុចជិតកន្លែងវាយកូនហ្គោល តាមមហាវិថីឈ្នះឈ្នះ ស្ថិតក្នុងសង្កាត់សំរោងក្រោម ខណ្ឌពោធិ៍សែនជ័យ ។
តាមសម្តីស្ត្រីរងគ្រោះបានឱ្យដឹងថា ក្នុងការបូបរបស់គាត់មានលុយចំនួន៣លានរៀល និង សម្ភារមួយចំនួនទៀត។
ស្ត្រីរងគ្រោះបានបន្តថា មុនពេលកេីតហេតុរូបគាត់បានជិះម៉ូតូធ្វេីដំណេីរតាមបណ្តោយមហាវិថីឈ្នះឈ្នះក្នុងទិសដៅពីជេីងទៅត្បូងដោយស្ពាយការបូបដាក់មកខាងមុខហេីយពាក់អាធំខាងក្រៅមួយជាន់ទៀតខណៈមកដល់ចំណុចកេីតហេតុស្រាប់តែមានជនសង្ស័យ២នាក់ជិះម៉ូតូមិនចាំម៉ាកមួយគ្រឿងឌុបគ្នាមកពីក្រោយហេីយធ្វេីសកម្មភាពឆក់ការបូបស្ពាយរបស់គាត់បានសម្រេចបណ្តាលឱ្យដួលទៅនឹងថ្នល់រងរបួសស្រាលចំណែកជនសង្ស័យក្រោយឆក់បានហេីយជិះម៉ូតូគេចខ្លួនបាត់។
ក្រោយកេីតហេតុជនរងគ្រោះបានត្រឹមទៅដាក់ពាក្យបណ្តឹងដេីម្បីឱ្យសមត្ថកិច្ចជួយអន្តរាគមន៍។
ពលរដ្ឋបានបង្ហេីបថានៅតាមបណ្តោយមហាវិថីឈ្នះឈ្នះតែងតែមានជនសង្ស័យធ្វេីសកម្មភាពឆក់ជាញឹកញាប់ធ្វេីឱ្យពលរដ្ឋបានមានការភ័យខ្លាចលែងចង់ហ៊ានធ្វេីដំណេីរតាមផ្លូវនោះទៀត។ ដូចនេះពលរដ្ឋស្នេីដល់លោក ម៉ន វុធី អធិការនគរបាលខណ្ឌពោធិ៍សែនជ័យមេត្តាដាក់កម្លាំងល្បាតលេីដងផ្លូវខាងលេីផងដេីម្បីការពារសុវត្តិភាពជូនប្រជាពលរដ្ឋ៕
ដោយ៖សុខាសែនជ័យ
