ភ្នំពេញ៖ ទីតាំងបើកហ្គេមបាញ់ត្រីខុសច្បាប់មួយកន្លែង ត្រូវបានគណៈបញ្ជាការឯកភាពខណ្ឌច្បារអំពៅដឹកនាំដោយលោក ហោ វាសនា អភិបាលរងខណ្ឌចុះបង្ក្រាបដកហូតទូហ្គេមបាញ់ត្រីចំនួន៣ និងសម្ភារមួយចំនួនទៀត តែមិនមានឃាត់ខ្លួនមនុស្សឡើយ ។
ករណីចុះបង្ក្រាបទីតាំងបើកហ្គេមខុសច្បាប់នេះបានធ្វើឡើងនៅវេលាម៉ោង៤ និង៣០នាទីរសៀលថ្ងៃទី១៧ ខែឧសភា ឆ្នាំ២០១៦ នៅចំណុចបឹងព្រលិត ភូមិអូរអណ្តូង១ សង្កាត់ព្រែកប្រា ខណ្ឌច្បារអំពៅ ។
លោក ហោ វាសនា បន្ទាប់ពីប្រជាពលរដ្ឋផ្តល់ព័ត៌មានលោកអភិបាលខណ្ឌច្បារអំពៅបានណែនាំឲ្យលោកដឹកនាំកម្លាំងចម្រុះចុះទៅបង្ក្រាបទីតាំងផ្ទះបើកហ្គេមបាញ់ត្រី ដកហូតបានទូរហ្គេមចំនួន២គ្រឿង និងសម្ភារមួយចំនួនទៀត ដឹកយកមករក្សាទុកនៅសាលាខណ្ឌច្បារអំពៅ ។
ក្នុងការចុះបង្ក្រាបនេះដែរសមត្ថកិច្ចមិនមានឃាត់ខ្លួនមនុស្សនោះឡើយ ដោយសារពេលចុះបង្ក្រាបមិនមានមនុស្សចូលលេងនោះឡើយ ចំណែកម្ចាស់ផ្ទះតម្រូវឲ្យធ្វើកិច្ចសន្យាបញ្ឈប់ការរកស៊ីបើកហ្គេមតទៅទៀត ៕
ដោយ៖ សណ្តោស
