ខេត្តបន្ទាយមានជ័យៈ កម្លាំងនគរបាលស្រុកស្វាយចេក នៅថ្ងៃទី២៨ ខែកញ្ញា ឆ្នាំ២០២២ បានសហការជាមួយកម្លាំងនគរបាលស្រុកថ្មពួក ចុះឃាត់ខ្លួនជនសង្ស័យជាមុខសញ្ញា ចែកចាយគ្រឿងញៀនជាបន្តបន្ទាប់ចំនួន០២នាក់ រួមទាំងវត្ថុតាងថ្នាំញៀនមួយចំនួន នៅទីតាំងផ្សេងៗពីគ្នា ។
លោក ជា ស្លូញ អធិការនគរបាល ស្រុកស្វាយចេក បានឲ្យដឹងថា៖បន្ទាប់ពីកម្លាំងនគរបាលស្រុកស្វាយចេក បានចុះប្រតិបត្តិការបង្រ្កាបមុខសញ្ញាចែកចាយគ្រឿងញៀនដ៏សកម្ម០១នាក់ ក្នុងភូមិសាស្ត្រ ស្រុកស្វាយចេក  ឈ្មោះ ទ្រី ត្រើយ អាយុ ២៣ ឆ្នាំ នៅភូមិពន្លៃចាស់ ឃុំទ្រាស ស្រុកស្វាយចេក ដោយមានការសង្ស័យយើងក៏បានត្រួតពិនិត្យឆែកឆេរកឃើញម្សៅក្រាមពណ៍សរថ្លា០១កូនថង(តម្លៃមួយសែនរៀល)និង១៨កំណាត់ទុយោបឺត(ក្នុង០១កំណាក់តម្លៃពីរម៉ឺនរៀល)និងទូរសព្ឌដៃ០១គ្រឿង ។ កម្លាំងនគរបាលផ្នែកជំនាញ ប្រឆាំងគ្រឿងញៀន បានធ្វើការសួរនាំ ជនសង្ស័យ ឈ្មោះ ទ្រី ត្រើយ នោះរួចមក ។កម្លាំងនគរបាលជំនាញ បានទទួលបទបញ្ជាពីលោកឧត្តម សេនីយ៍ទោ សិទ្ធិ ឡោះ ស្នងការនគរបាលខេត្ត និង មានការសម្របសម្រួលនិតិវិធី គម្លាតភូមិសាស្ត្រ ពីឯកឧត្តម កើត វណ្ណារ៉េត ព្រះរាជអាជ្ញា អមសាលាដំបូងខេត្តបន្ទាយមានជ័យ ដោយសហការជាមួយកម្លាំងនគរបាលស្រុកថ្មពួក បន្តឃាត់ខ្លួនមុខសញ្ញាចែកចាយគ្រឿងញៀន០១នាក់ នៅចំណុចបណ្តោយផ្លូវលេខ២៥៦៣ នៅក្នុងភូមិតាតឹង ឃុំ គំរូ ស្រុកថ្មពួក មាន ឈ្មោះ ប៊ុន ខេន ភេទប្រុសអាយុ២៣ ឆ្នាំនៅភូមិតាយឹងថ្មពួក ស្រុកថ្មពួក ខេត្តបន្ទាយមានជ័យ  និងដកហូតវត្ថុតាង ម្សៅក្រាមពណ៌សថ្លា០៦កូនថង់ ទួរស័ព្ទ០១គ្រឿង ដែកកេះ០១ ដើម ។
លោកអធិការបានបញ្ជាក់ថា៖ជនសង្ស័យទាំង០២នាក់ រួមទាំងវត្ថុតាង ថ្នាំញៀន សរុប ម្សៅក្រាមសថ្លាំចំនួន០៧កូនថង់ និង១៨កំណាត់ទុយោបឺត  ទូរសព្ឌដៃ០២គ្រឿង ដែកកេះ ០១ កម្លាំងនគរបាលជំ នាញកំពុងរៀបចំសំណុំរឿងបញ្ជូនខ្លួនមកស្នងការដ្ឋាននគរបាលខេត្តបន្ទាយមានជ័យ បន្តចាត់ការតាមនីតិវិធី៕

ដោយ៖ វណ្ណា