ខេត្តស្វាយរៀង៖ មានហេតុការណ៍គួរឲ្យរន្ធត់ខណៈបុរសជាកម្មករសំណង់ម្នាក់ឡើងផ្សារដែកនៅក្លោងទ្វារវត្តលក្ខរាជាចៃដន្យអាក្រក់ឆក់ខ្សែភ្លើងស្លាប់បង្កការភ្ញាក់ផ្អើលដល់អ្នកភូមិទាំងរសៀល។

ហេតុការណ៍នេះបានកើតឡើងកាលពីវេលាម៉ោង២និង២៥នាទីរសៀលថ្ងៃទី១៣ខែតុលាឆ្នាំ២០២២ស្ថិតនៅក្លោងទ្វារវត្តលក្ខរាជាឃុំកំពង់ចកស្រុករំដួល។

យោងតាមសមត្ថកិច្ចនគរបាលស្រុកបានឲ្យដឹងថាបុរសដែលស្លាប់មានឈ្មោះវ៉ែនផាន់ណា អាយុ២៧ ឆ្នាំមុខរបរកម្មករសំណង់រស់ក្នុងភូមិឆ្អឹងពស់ ឃុំកំពង់ចកស្រុករំដួល។

តាមអ្នកភូមិបានឲ្យដឹងថាមុនពេលកើតហេតុគេឃើញបុរសរងគ្រោះនិងមិត្តភក្កិដែលជាកម្មករសំណង់បានមកធ្វើការដូចសព្វដងខណះដែលបុរសឈ្មោះ
វ៉ែន ផាន់ណា បានឡើងលើក្លោងទ្វារវត្តដើម្បីផ្សារដែក។

ក្រោយមកប្រមាណកន្លះស្រាប់តែចៃដន្យអាក្រក់បណ្ដាលអោយឆក់ខ្សែភ្លើងបង្កការភ្ញាក់ផ្អើលដល់មិត្តរួមការងារប្រញាប់ប្រញាលជួយសង្គ្រោះនិងរាយការណ៏មកសមត្ថកិច្ចមូលដ្ឋានមកអន្តរាគមន៏ដោយហៅរថយន្តសាមុយដឹកមកកាន់មន្ទីរពេទ្យបង្អែកសាមគ្គីរំដួលប៉ុន្តែអកុសលហួសពេលទៅហើយ។

សូមបញ្ជាក់ថាក្រោយកើតហេតុក៏ឃើញវត្តមានលោកអភិបាលស្រុកដែលទើបឡើងកាន់តំណែងថ្មីលោកអភិបាលរងស្រុកចុះមកផ្ទាល់អន្តរាគមន៏លើកជនរងគ្រោះដាក់ក្នុងរថយន្តសាមុយផងដែរ។

សពត្រូវបានសមត្ថកិច្ចធ្វើកំណត់ហេតុ និងប្រគល់អោយក្រុមគ្រួសារយកទៅធ្វើបុណ្យតាមប្រពៃណីទាំងក្ដុកក្ដួលបំផុត៕

ដោយ៖ សុថាន