ភ្នំពេញ៖ នេះបេីយោងតាមប្រភពព័ត៍មានពីក្រសួងបរិស្ថាន នៅព្រឹកថ្ងៃព្រហស្បតិ៍ទី២០ ខែតុលា ឆ្នាំ២០២២នេះ បានឱ្យដឹងថា យោងតាមការដកស្រង់ចេញពីសៀវភៅមគ្គទេសក៍គ្រឿងទេសកម្ពុជា ដេីមខ្ទឹមក្រហម(Shallot) មានកម្ពស់២០ ទៅ៣០សង់ទីម៉ែត្រ មើមរាងមូលទ្រវែងនៅក្នុងស្រោមស្តើងពណ៌ក្រហម សាច់ខាងក្នុងពណ៌សលាយក្រហមមានច្រើនក្លែប និងច្រើនស្រទាប់។
ក្រសួងបរិស្ថាន បានឱ្យដឹងទៀតថា ស្លឹកពណ៌បៃតងប្រហោងពីគល់រហូតដល់ចុង ចេញពីមើមហើយមានច្រើនដុះជាគុម្ព។ ទងទម្រកញ្ចុំផ្កា (peduncle) មានប្រហោងក្នុងដុះចេញពីមើមចំកណ្តាលគុម្ពស្លឹក។
ចំណែកផ្កាពណ៌ផ្កាឈូក ឬខៀវរាងស្វាយ លាយស ផ្តុំជាកញ្ចុំមូល (globose) នៅចុងគោល ទម្រកញ្ចុំផ្កា។ ផ្កាមានត្របក ៣ (sepals) និងស្រទាប់៣ (petals) កេសរឈ្មោល៦ មានទងវែង និងកេសរញីមូលទ្រវែងបន្តិចមាន៣ក្លែប។ ផ្លែស្ងួតមូលវែង (ovoid) ៥ ទៅ៦ គុណនិង ៣សង់ទីម៉ែត្រ អាចបែកជា៣ផ្នែក មានគ្រាប់ច្រើនពណ៌ខ្មៅ។ មើមមានរសជាតិហឹរ ជាតិទឹកច្រើន និងក្លិនឆួលខ្លាំង។ ចេញផ្កានៅខែ មិថុនា-កក្កដា នងបន្តពូជដោយមើម។
សូមជម្រាបជូនថា ចំពោះការប្រើប្រាស់បាន ២បែប ជាគ្រឿងទេស៖ គ្រឿងទេស និងគ្រឿងផ្សំបន្ថែមជួយឱ្យអាហារមានក្លិនឈ្ងុយ៕
ដោយ៖សហការី
