ខេត្តស្វាយរៀង: មានអគ្គីភ័យឆាបឆេះយ៉ាងសន្ធោសន្ធៅផ្ទះល្វែងមួយកន្លែងនៅទល់មុខផ្សារស្វាយជ្រំបង្កការភ្ញាក់ផ្អើលដល់អ្នកភូមិក៏ដូចជាអ្នកធ្វើដំណើរនិងអាជីវករលក់ដូរនិងរបាយការណ៏មកសមត្ថកិច្ចមូលដ្ឋានយករថយន្តពន្លត់អគ្គីភ័យជាច្រើនគ្រឿងមកបាញ់ពន្លត់អកុសលភ្លើងឆេះខ្លាំងពេកបណ្ដាលអោយបុរសម្នាក់ស្លាប់និងឆេះរថយន្តមួយគ្រឿងដោយមូលហេតុដោយសារផ្ទុះធុងហ្គាស
។
ហេតុការណ៏នេះបានកើតឡើងកំឡុងម៉ោង៩និង៣០នាទីព្រឹកថ្ងៃទី២ខែវិឆ្ឆិកាឆ្នាំ២០២២ទល់មុខផ្សារស្វាយជ្រំក្នុងភូមិស្វាយក្ងោ
ឃុំស្វាយជ្រំស្រុកស្វាយជ្រំខេត្តស្វាយរៀង។
បើតាម លោកសោម សុភណ្ឌ័ អធិការនគរបាលស្រុកស្វាយជ្រំ បានអោយកាសែតនគរវត្តដឹងនៅរសៀលថ្ងៃទី២ខែវិច្ឆិការឆ្នាំ២០២២នេះថា បុរសដែលស្លាប់មានឈ្មោះ កៅ យាន ភេទប្រុសអាយ៧០ឆ្នាំមុខរបរនៅផ្ទះភូមិស្វាយក្ងោ
ឃុំស្វាយជ្រំស្រុកស្វាយជ្រំខេត្តស្វាយរៀង។
ចំពោះសម្ភារដែលខូចខាតរួមមានផ្ទះមួយខ្នងមានទំហំ៧ម៉ែត្រគុណនិង៩ម៉ែត្រដំបូលប្រក់ក្បឿងថ្មក្រោម
រថយន្តសាំយ៉ុង០១គ្រឿងប្លង់ដី១៥ប្លង់
បា្រក់ ១លានរៀល ដុល្លា ១០០០ដុល្លា
ទូដាក់ខោអាវ ០៤
អត្តសញ្ញាណបណ្ណ័១
គ្រែ៥និងសាឡុង១ឈុត។
ប្រភពបន្តថាហើយសមត្ថកិច្ចបានប្រើប្រាស់ចំនួន៥គ្រឿង មានរបស់កងរាជអាវុធហត្តខេត្ត របស់អធិការនគរបាលក្រុងស្វាយរៀង របស់ស្នងការដ្ឋាននគរបាលខេត្តស្វាយរៀងនិងរបស់អធិការស្រុកស្វាយជ្រំ ហើយអគ្គីភ័យបានរលត់ទាំងស្រុង នៅវេលាម៉ោងប្រមាណ១០និង៣០នាទីព្រឹក ថ្ងៃដដែលដោយមូលហេតុផ្ទុះធុងហ្គាស។
បើតាមសាក្សីបានអោយដឹងថា មុនកើតហេតុលឹសូរសម្លេងផ្ទុះ២ដងចេញពីក្នុងផ្ទះល្វែងមួយកន្លែងបង្កការភ្ញាក់ផ្អើលដល់អ្នកជិតខាងនិងអ្នកធ្វើដំណើរ ខណះមានផ្សែង និងភ្លើងហុយឆេះយ៉ាងសន្ធោរសន្ធៅ និងនាំគ្នាជួយដងទឹកនិងរាយការណ៏មក សមត្ថកិច្ចមូលដ្ឋាន មកអន្តរាគមន៏ យករថយន្តអគ្គីភ័យ ជួយបាញ់ពន្លត់ប៉ុន្តែដោយអកុសល ដោយទ្វារចាក់សោរ ពីក្នុងទើបមិនអាចសង្គ្រោះជីវិតលោកតាម្នាក់ឆេះស្លាប់គួរអោយសង្វេគបំផុត៕
ដោយ៖ សុថាន
