ភ្នំពេញ៖ ស្រ្តីចំនួន២នាក់ជាមេកត់ឆ្នោតប្រចាំនៅផ្សារចោមចៅ កត់យ៉ាងសកម្មត្រូវបានកម្លាំងនគរបាលព្រហ្មទណ្ឌកម្រិតស្រាលបានចុះប្រតិបត្តិការបង្ក្រាបចាប់ឃាត់ខ្លួន បានសម្ភារមួយចំនួនទៀត កាលពីវេលាម៉ោង៤រសៀល ថ្ងៃទី២៥ ខែឧសភា ឆ្នាំ២០១៦ ស្ថិតនៅ ក្នុងផ្សារចោមចៅ សង្កាត់ចោមចៅ ខណ្ឌពោធិ៍សែនជ័យ ។

តាមសមត្ថកិច្ចបានឲ្យដឹងថា ទីតាំងផ្សារខាងលើ ទី១មេលួចកត់កន្ទុយលេខ ក្រោមលេស លក់របស់របរ ផ្សេងៗក្នុងតូប តែឆ្លៀតលួចកត់កន្ទុយលេខទៅវិញ និងទី២លេសលក់ភេសជ្ជៈតែដើម្បីរក្សាធានាបាននូវ សន្តិសុខ សុវត្ថិភាព ក្នុងមូលដ្ឋាន ផ្អែកទៅលើ លក្ខណៈសម្បត្តិ ៩យ៉ាង ភូមិ សង្កាត់ នៅចំណុចទី៥ បានបញ្ជាក់ថា គ្មានលេងល្បែងសុីសង ខុសច្បាប់ក្នុងមូលដ្ឋាន ហើយបន្ទាប់ពី មានសេចក្តីរាយការណ៍ជុំវិញ ល្បែងសុីសង កន្ទុយលេខ កើតមានឡើងក្នុងផ្សារចោមចៅ ទើបកម្លាំងនគរបាលព្រហ្មទណ្ឌកម្រិតស្រាលដោយមានការសម្របសម្រួលពីលោកព្រះរាជអាជ្ញារង ​ មាស​ ចាន់ពិសិដ្ឋ​ ចុះប្រតិបត្តិការបង្ក្រាបចាប់ឃាត់ខ្លួនមេកន្ទុយលេខបានស្រ្តីចំនួន២នាក់ រួមជាមួយវត្ថុតាងមួយចំនួនធំ។

ក្រោយពីចាប់ឃាត់ខ្លួនមេឆ្នោតខាងលើបាននាំទៅសាកសួរនៅការិល័យក្រុង ដើម្បីកសាងសំណុំរឿងចាត់ការទៅតាមនីតិវិធី ៕

ដោយ៖ សុខាសែនជ័យ