ភ្នំពេញ : នៅវិមានរដ្ឋសភា នារសៀលថ្ងៃទី១៦ ខែវិច្ឆិកា ឆ្នាំ២០២២ លោក ឡេង ប៉េងឡុង អគ្គលេខាធិការរដ្ឋសភា និងសហការី បានអញ្ជើញជួបពិភាក្សាការងារជាមួយ លោក IIkin MAMMADOV អគ្គនាយកទំនាក់ទំនងអន្តរជាតិ នៃគណៈប្រតិភូក្រុមនាំមុខAzerbaijan មុនដំណើរទស្សនកិច្ចជាផ្លូវការរបស់ប្រធានរដ្ឋសភាAzerbaijan​ មកព្រះរាជាណាចក្រកម្ពុជា នៅថ្ងៃទី២០-២៥ ខែវិច្ឆិកា ឆ្នាំ២០២២ ខាងមុខនេះ។

គណៈប្រតិភូសភាAzerbaijan គ្រោងចូលជួបសំដែងការគួរសម និងពិភាក្សាការងារជាមួយ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចអគ្គមហាពញាចក្រីហេង សំរិន ប្រធានរដ្ឋសភា និងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងចូលរួមសង្កេតការណ៍ក្នុងកិច្ចប្រជុំអន្តរសភាអាស៊ានអាយប៉ា(AIPA)​ លើកទី៤៣​ ផងដែរ​ ៕

ដោយ : សហការី