ម្ចាស់ការពារតំណែងជើងឯក World Cup មាន់គកបារាំងបានបង្ហាញទម្រង់លេងដ៏ល្អក្នុងការយកឈ្នះលើក្រុមអូស្ត្រាលី ៤ទល់១ខណៈដែលខ្សែប្រយុទ្ធ Olivier Giroud បានតាមស្មើកំណត់ត្រាស៊ុតបញ្ចូលទីគ្រប់ពេលវេលារបស់អតីតកីឡាករបារាំង Thierry Henry សម្រាប់ក្រុមជម្រើសជាតិ។ ប្រទេសបារាំងបានបាត់បង់កីឡាករជាច្រើននៅក្នុងការប្រកួតដែលរួមមានខ្សែប្រយុទ្ធសំខាន់Karim Benzema ប៉ុន្តែបានបង្ហាញពីភាពខ្លាំងរបស់ខ្លួនក្នុងវគ្គជម្រុះតាមពូលនេះ។
ការប្រកួតក្នុងតង់ទី១ កីឡាករ Craig Goodwin បានជួយឱ្យអូស្ត្រាលីនាំមុខមុនដ៏គួរឱ្យភ្ញាក់ផ្អើលនៅនាទីទី៩ នៅពេលដែលកីឡាកររូបនេះបានស៊ុតបាល់បញ្ចូលទីយ៉ាងល្អ ប៉ុន្តែការតែតបាល់បញ្ចូលទីរបស់ Adrien Rabiot បានធ្វើឱ្យបារាំងតាមស្មើវិញបន្ទាប់ពី២៧នាទីហើយកីឡាករជើងចាស់ Giroud បន្ថែម១គ្រាប់ទៀតនៅនាទីទី៣២។
ចូលដល់តង់ទី២ ក្រុមបារាំងបន្តដាក់សម្ពាធទៅលើក្រុមអូស្ត្រាលី ដោយសម្រុកបន្ថែមគ្រាប់បាល់២គ្រាប់ទៀតដែលរកបានដោយខ្សែប្រយុទ្ធ Kylian Mbappe នៅនាទីទី៦៨ និងគ្រាប់ចុងក្រោយបន្ថែមដោយខ្សែប្រយុទ្ធ Giroud នៅនាទីទី៧១។ គ្រាប់បាល់ទី២របស់កីឡាករ Giroud ដោយការតែតបាល់បញ្ចូលទីគឺបានតាមស្មើកំណត់ត្រារបស់ Henry ក្នុងការស៊ុតបញ្ចូលទី៥១គ្រាប់របស់បារាំងនៅក្នុងការប្រកួតគ្រប់ពេលឲ្យជម្រើសជាតិមួយនេះ។
គ្រូបង្វឹកលោក Didier Deschamps មិនត្រឹមតែបាត់បង់ខ្សែប្រយុទ្ធ Benzema ប៉ុណ្ណោះទេ ថែមទាំងខ្សែការពារ Presnel Kimpembe ខ្សែបម្រើ N’Golo Kante និង Paul Pogba រួមទាំងខ្សែប្រយុទ្ធ Christopher Nkunku ផងដែរ។ ទាំងនេះគឺជាការវាយប្រហារដ៏ធ្ងន់ធ្ងរ ប៉ុន្តែនេះក៏ផ្តល់ឱកាសឱ្យបារាំងបង្ហាញភាពខ្លាំងរបស់ពួកគេ ហើយវាគឺជាការប្រយុទ្ធដែលពួកគេបង្ហាញពីការប្រកួតដ៏មានមោទនភាពសម្រាប់ព្រឹត្តិការណ៍ World Cup ឆ្នាំនេះ។
ចំណុចសំខាន់មួយទៀតគឺ Giroud វ័យ៣៦ឆ្នាំដែលបង្ហាញពីគុណភាពជាប់លាប់របស់គាត់ជាមួយនឹងគ្រាប់បាល់២គ្រាប់ និងការបង្ហាញដ៏ល្អល្អ គឺជាការពិតណាស់ដែលគាត់អាចជំនួស Benzema ក្នុងការចាប់យកឱកាសដែលមិននឹកស្មានដល់របស់គាត់។ខ្សែប្រយុទ្ធលេងឲ្យក្លិប AC Milan រូបនេះក៏បានចូលកាន់តំណែងរបស់គាត់នៅក្នុងសៀវភៅប្រវត្តិសាស្ត្រផងដែរ ដោយស្មើនឹងកំណត់ត្រារបស់ Henry ហើយឥឡូវនេះមានឱកាសដើម្បីបំបែកវានៅលើឆាកដ៏ធំបំផុតទាំងអស់។
លទ្ធផលនេះបារាំង កំពុងឈរលេខ១ក្នុង ពូល D ខណៈដែល មាន ដាណឺម៉ាក និង ទុយនីស៊ី ទទួលបានម្នាក់១ពិន្ទុផងដែរ។ ការប្រកួតក្នុងពូលបន្ទាប់ ក្រុមបារាំងត្រូវប៉ះដាណឺម៉ាកនៅថ្ងៃទី២៦ ខែវិច្ឆិកា រីឯទុយនេស៊ីត្រូវប៉ះអូស្ត្រាលីនៅថ្ងៃជាមួយគ្នានោះដែរ ៕ (រូបភាព៖ BBC Sport)
