ខ្មាន់កាំភ្លើងក្រុមអ៊ិស្លាមបង្កើតរដ្ឋ ​IS បានសម្លាប់ក្រុមអ្នកគាំទ្រ Real Madrid ពេលកំពុងតែទស្សនាការប្រគួតផ្តាច់ព្រ័ត ពាន់រង្វាន់ UEFA Champions League។

ខ្មាន់កាំភ្លើង​៤នាក់បានបាញ់ប្រហារទៅលើជនរង្គ្រោះ ពេលពួគគេសម្រុចចូលនៅកាន់ទីកន្លែងដែលក្រុមអ្នកគាំទ្រ Real Madrid កំពុងតែទស្សនាបាល់ទាត់ស្ថិតនៅដំបន់ ​Baquba ចម្ងាយពីទីក្រុងបាដាត​ជាង​៥០គីឡូម៉ែត្រ។

លោក ​Ziad Albaidani អ្នកគាំទ្រក្លឹប Real Madrid​ បានឲ្យដឹងថា ការវាយប្រហារខាងលើកើតឡើង ចំពេលដែលកីឡាករ រ៉ូណាល់ដូ ស៊ូតបាល់ប៊ែនណាទីចុងក្រោយសម្រេចជ័យជំនះឲ្យ Real Madrid ទទួលបានពាន់រង្វាន់ UEFA Champions League ជាលើកទី​១១ ។

ហេតុការបាញ់ប្រហារខាងលើបណ្តាលឲ្យមានអ្នកស្លាប់រហូតដល់ទៅ​១២នាក់និង​៨​នាក់រងរបួស។ ខ្មាន់កាំភ្លើងដែលបាញ់ប្រហារនោះគឺជាសមាជិករបស់ក្រុម IS  ។ចំណែកជនរង្គ្រោះមានអាយុចាប់ពី​១៨ដល់​៣០ឆ្នាំ។

ហេតុការខាងលើកើតឡើងនៅថ្ងៃទី​២៨ ខែឧសភា គឺក្រោយរយៈពេល​២សប្តាហ៍ដែលក្រុមខ្មាន់កាំភ្លើងមានគ្នា​៤នាក់បើកការវាយប្រហារទៅលើទីតាំងអ្នកគាំទ្រក្រុម Real Madrid នៅក្នុងប្រទេសអីរ៉ាក់បណ្តាលឲ្យមានអ្នកស្លាប់​៦នាក់នឹងរងរបួសជាច្រើនទៀត៕

ប្រែសម្រួល៖ សាធី