ពលរដ្ឋជាង១ម៉ឺននាក់បានប្រមូលផ្តុំគ្នានៅក្នុងវត្តធម្មកាយា (Dhammakaya) ខេត្តបាធំថានី ភាគខាងជើងទីក្រុងបាងកកដើម្បីរារាំងកម្លាំងទាហានរដ្ឋាភិបាលចូលទៅចាប់ព្រះចៅអធិការ។
សារព័ត៌មាន AFP បានផ្សាយថា ប៉ូលិសទាហាន ២,២០០នាក់បានបញ្ចូនទៅឡោមព័ទវត្តខាងលើ ដែលមានទំហុំរហូតដល់ទៅ ៤០០ហិតា។ ទទឹមនឹងនោះប៉ូលិសក៏បានប្រើប្រាស់ឧទ្ធម្ភាគច័ក្រ យន្តហោះស៊ើបការគ្មានមនុស្សបើក ដើម្បីតាមមើសកម្មភាពនៅក្នុងវត្ត ក៏ដូចជាត្រូតពិនិត្យទីតាំងសង្ស័យដើម្បីឈានដល់រកការចាប់ខ្លួនព្រះចៅអធិការ។
ព្រះចៅអធិការខាងលើមានព្រះជន ៧២វស្សា ត្រូវបានតុលាការថៃចេញដីការចាប់ខ្លួនដោយរងការចោទប្រកានថាបានទទួលប្រាក់ខ្មៅរហូតដល់ ១.២ពាន់លានបាតស្មើរ ៣០លានដុល្លារអាមេរិកពីលោក supachai អតីតប្រធានសហករណ៍ឥណទាន Klongchan ។ ប៉ុន្តែពុទ្ធបរិស័ទចំណុះជើងវត្តបានចាត់ទុកថា ព្រះសង្ឃគឺជាជនរង្គ្រោះក្នុងការទម្លាក់កំហុសមកលើព្រះអង្គដើម្បីបង្ខូចកេត្តិយសតែប៉ុណ្ណោះ។
ទាំងនោះហើយបានជាបរិស័ទរាប់សិបពាន់នាក់បានទៅបិទផ្លូវចូលទៅវត្ត ដែលមានច្រក់ផ្លូវធំៗចំនួន១៦ មិនឲ្យកម្លាំងទាហាននិងប៉ូលិសចូលទៅវត្តនោះឡើយ។ ពលរដ្ឋគាំទ្រព្រះសង្ឃបានទៅកាន់វត្តកាន់តែច្រើនឡើងៗ បិទផ្លូវចូលទាំងអស់។
ពលរដ្ឋដែលបានទៅការពារព្រះសង្ឃចៅអធិការបានឲ្យដឹងថា ការដែលគាត់មកទីនេះគឺដោយសារតែមិនភ្លេចគុណរបស់ព្រះចៅអធិការដែលបានជួយពួកគាត់ក្នុងគ្រោះទឹកជំនន់កាលពីឆ្នាំ២០១១ ។
បុគ្គលដែលជាចំណុចសំខាន់នៅក្នុងហេតុការខាងលើគឺលោក Supachai Srisupa aksom ។ លោកធ្លាប់បានកាត់ទោសជាប់ពន្ធនាគា១៦ឆ្នាំកាលពីខែមីនាកន្លងទៅ ដោយលោករងការចោទប្រកាន់ពីបទគេងប្រាក់ប្រមាណ១១ពាន់លានបាត ស្មើ ៣០០លានដុល្លារអាមេរិកពីកម្មវិធីផ្តល់ឥណទានសហករណ៍ Klongchan លោកបានបម្រើការជានាយកប្រតិបត្តិនៅអង្គការនោះ។
លោក Supachai ត្រូវបានគេចាត់ទុកថា បានចំណាយចេញសែកជាច្រើនដែលមានតម្លៃជាង១ពាន់លានបាត់ដល់ក្រុមផ្សេងគ្នាពាក់ព័ន្ធនិងវត្ត Dhammakaya។ ដំណាងគណកម្មការវត្តខាងលើបានច្រានចោលការចោទប្រកានលាងលុយខ្មៅ ហើយចាត់ទុកថាជាការសង្ស័យគ្មានមូលដ្ឋាននិងអមនុស្សធម៌។
បើទោះបីរដ្ឋាភិបាលបានចេញបញ្ចាតាមចាប់ខ្លួនតាំងពីថ្ងៃទី១៧ ខែឧសភា ប៉ុន្តែនៅតែមិនអាចចាប់ខ្លួនព្រះសង្ឃចៅអធិការបានឡើយ។
រដ្ឋមន្ត្រីក្រសួងយុត្តិធម៌លោក Paiboon Koomchaya បានប្រកាសឲ្យដឹងថា DSI បានឡើងគម្រោងចាប់ខ្លួនព្រះចៅអធិការ ប៉ុន្តែពេលវេលាដែលត្រូវសម្រុចចូលវត្តចាប់ព្រះកាយមិនទាន់ប្រកាសនៅឡើយ។ រដ្ឋាភិបាលកំពុងតែរងចាំឱកាសដើម្បីចៀសវាងការប៉ះទង្គិចគ្នាកើតឡើង៕
ប្រែសម្រួល៖ ម៉ែវ សាធី
