នាយកបច្ចេកទេសក្រុមជម្រើសជាតិអាល្លឺម៉ង់ លោក Oliver Bierhoff បានបញ្ចប់កិច្ចសន្យារបស់គាត់បន្ទាប់ពីការចាកចេញដំបូងរបស់ក្រុមអាល្លឺម៉ង់នៅ World Cup 2022 ត្រឹមវគ្គចែកពូល។

 លោក Bierhoff វ័យ៥៤ឆ្នាំបានស៊ុតបញ្ចូលទីទាំង២គ្រាប់ ខណៈដែលអាល្លឺម៉ង់យកឈ្នះសាធារណរដ្ឋឆេក ២-« ក្នុងវគ្គផ្តាច់ព្រ័ត្រនៃ Euro ឆ្នាំ១៩៩៦ នៅ Wembley។ គាត់បាននៅជាមួយសមាគមបាល់ទាត់អាឡឺម៉ង់ (DFB) ពីឆ្នាំ២០០៤ ប៉ុន្តែបានចាកចេញបន្ទាប់ពីអាល្លឺម៉ង់បានជាប់ចំណាត់ថ្នាក់លេខ៣ក្នុងពូល E ។

 ប្រធានសមាគមបាល់ទាត់អាល្លឺម៉ង់លោក Bernd Neuendorf បាននិយាយថា “Oliver Bierhoff មានសេវាកម្មមិនគួរឱ្យជឿដល់ DFB។ ទោះបីជាពួកយើងបានធ្លាក់ចុះពីការរំពឹងទុកនៅលើទីលានក្នុងការប្រកួតថ្មីៗក៏ដោយ ប៉ុន្តែគាត់បាននៅពីក្រោយពេលវេលាដ៏ធំ។ ការងាររបស់គាត់នឹងជាប់ទាក់ទងគ្នាជារៀងរហូតជាមួយនឹងជ័យជំនះ World Cup របស់យើងនៅក្នុងប្រទេសប្រេស៊ីល។ សូម្បីតែនៅក្នុងគ្រាដ៏ច្របូកច្របល់ក៏ដោយ គាត់តែងតែធ្វើតាមគោលដៅ និងចក្ខុវិស័យរបស់គាត់ ហើយបានជួយរៀបចំ DFB ប្រកបដោយនិរន្តរភាព។ ខ្ញុំចង់អរគុណ Oliver Bierhoff ក្នុងនាមបុគ្គលិកទាំងអស់នៅ DFB សម្រាប់អ្វីគ្រប់យ៉ាងដែលគាត់បានធ្វើសម្រាប់ពួកយើង និងបាល់ទាត់នៅប្រទេសអាល្លឺម៉ង់“។

 ក្នុងអំឡុងពេលរបស់គាត់ជាមួយ DFB អាល្លឺម៉ង់បានឈានដល់វគ្គពាក់កណ្តាលផ្តាច់ព្រ័ត្រនៃការប្រកួតសំខាន់ៗចំនួន៦ជាប់ៗគ្នាហើយបានឈ្នះការប្រកួតបាល់ទាត់ពិភពលោកឆ្នាំ២០១៤ នៅប្រទេសប្រេស៊ីល។ លើសពីនេះអាឡឺម៉ង់បានឈ្នះពានរង្វាន់Confederations Cup 2017 និងពានរង្វាន់អឺរ៉ុបអាយុក្រោម២១ឆ្នាំចំនួន២។

 កិច្ចសន្យារបស់លោក Bierhoff នឹងត្រូវដំណើរការរហូតដល់ឆ្នាំ២០២៤ ប៉ុន្តែអាល្លឺម៉ង់បានខកចិត្តក្នុងព្រឹត្តិការណ៍ World Cup នៅប្រទេសកាតា ខណៈដែលពួកគេបានចាញ់ជប៉ុន ២–១ និងស្មើ ១–១ ជាមួយអេស្ប៉ាញ មុនពេលជ័យជម្នះ ៤–២ លើកូស្តារីកា មិនគ្រប់គ្រាន់ដើម្បីនាំក្រុមឆ្លងកាត់ទៅវគ្គ១៦ក្រុមបាន។

 ការបរាជ័យនេះគឺជាការធ្លាក់ចេញជាលើកទី២ជាប់ៗគ្នារបស់ក្រុមឥន្ទ្រីដែកអាឡឺម៉ង់ក្នុងវគ្គចែកពូលនៃព្រឹត្តិការណ៍ World Cup បន្ទាប់ពីពួកគេបានចាញ់កូរ៉េខាងត្បូង ២–០ កាលពី៤ឆ្នាំមុនក្នុងប្រទេសរុស្ស៊ីជាម្ចាស់ផ្ទះ ៕ (រូបភាព ៖ BBC Sport)