ភ្នំពេញ៖ នៅព្រឹកថ្ងៃទី៩ ខែធ្នូ ឆ្នាំ២០២២ លោក វ៉ា សាវឿន ចៅសង្កាត់ចោមចៅទី៣ បានដឹកនាំក្រុមការងារចុះពិនិត្យការស្ថាបនាផ្លូវបេតុងមួយខ្សែក្នុងមូលដ្ឋានដេីម្បីឱ្យបងប្អូនប្រជាពលរដ្ឋងាយស្រួលធ្វេីដំណេីរឆ្លងកាត់។
លោក វ៉ា សាវឿន បានថ្លែងថា ផ្លូវបេតុងដែលកំពុងស្ថាបនាខាងលេីក្រាលឆ្អឹងដែក កម្ពស់១តឹកកន្លះ មានប្រវែង៩១០ម៉ែត្រ ទទឹង៤ម៉ែត្រ ឆ្លងកាត់ភូមិចំនួន៣ ក្នុងនោះមានភូមិព្រៃជីសាក់ ភូមិជម្ពូវ័ន២ និងព្រៃទា២ ដោយប្រេីប្រាស់ថវិកាមូលនិធិភូមិសង្កាត់។
លោកចៅសង្កាត់បានបន្តថា ដោយសារឃេីញផ្លូវខាងលេីមានសភាពទ្រុឌទ្រោម ប្រជាពលរដ្ឋពិបាកធ្វេីដំ
ណេីរក៏ដូចជាប្រកបអាជីវកម្មផ្សេងៗទេីបលោកចុះពិនិត្យជាក់ស្តែងដាក់គ្រឿងចក្រឈូសឆាយស្ថាបនាជាផ្លូវបេតុងតែម្តង។
លោក វ៉ា សាវឿន បានសំណូមពរដល់បងប្អូនប្រជាពលរដ្ឋទាំងអស់មេត្តាជួយថែរក្សាផ្លូវខាងលេីឱ្យបានល្អដេីម្បីធ្វេីដំណេីរបានយូរអង្វែង៕ 
ដោយ៖សុខាសែនជ័យ
