ខេត្តតាកែវ៖ ជនសង្ស័យម្នាក់ត្រូវបានកម្លាំងនគរបាលធ្វេីការឃាត់ខ្លួនយកទៅចាត់ការតាមនិតិវិធីពាក់ព័ន្ធករណីរក្សាទុកដោយខុសច្បាប់នូវសារធាតុញៀននិងរក្សាទុកអាវុធកែឆ្នែខុសច្បាប់រួមទាំងជាតិផ្ទុះ។
ការឃាត់ខ្លួនជនសង្ស័យខាងលេីបានធ្វេីឡេីងកាលពីវេលាម៉ោង១៦និង៣០នាទីថ្ងៃទី១២ ខែធ្នូ ឆ្នាំ២០២២ នៅចំណុចរោងបិតស្តុតម៉ូតូ ស្ថិតក្នុងភូមិជំនីកខាងជេីង ឃុំកំពង់រាប ស្រុកព្រៃកប្បាស ខេត្តតាកែវ ។
ជនសង្ស័យឈ្មោះជន់ និត្យ ភេទប្រុស អាយុ៣៥ឆ្នាំ មុខរបរមិនពិតប្រាកដ រស់នៅភូមិជំនីកខាងជេីង ឃុំកំពង់រាប ស្រុកព្រៃកប្បាស ខេត្តតាកែវ ។
នគរបាលបានឲ្យដឹងថា ក្រោយឃាត់ខ្លួនជនសង្ស័យសមត្ថកិច្ចដកហូតវត្ថុតាងមួយចំនួនរួមមានៈ ម្សៅក្រាមពណ៌សថ្លាសង្ស័យសារធាតុញៀនចំនួន០៥កញ្ចប់ ម៉ូតូ០១គ្រឿងម៉ាកNEX ពណ៌ស ស៊េរីឆ្នាំ២០១៤ ពាក់ស្លាកលេខ ភ្នំពេញ 1CU-3028 ទូរស័ព្ទដៃចំនួន០២គ្រឿង ដាវ០១ដេីម កាំភ្លេីងឆ្នៃចំនួន០៣ដេីម គ្រាប់កាំភ្លេីងចំនួន០៥គ្រាប់។
បន្ទាប់មកកម្លាំងនគរបាលឃាត់ខ្លួនបានជនសង្ស័យខាងលេី រួមជាមួយវត្ថុតាង យកមកកាន់អធិការដ្ឋាននគរបាលស្រុកព្រៃកប្បាស ដើម្បីសាកសួរនិងកសាងសំណុំរឿងតាមនីតិវិធី៕ដោយ៖សុខាសែនជ័យ
