យោងតាមក្រសួងការពារជាតិរុស្ស៊ី នៅឆ្នាំ២០២៣ប្រទេសនេះនឹងធ្វើសមយុទ្ធអន្តរជាតិចំនួន៩ សំដៅរក្សាសន្តិភាព និងប្រឆាំងអំពើភេរវកម្ម។ នៅថ្ងៃទី ១ ខែមករា ក្រសួងការពារជាតិរុស្ស៊ីបាននិយាយថា នៅក្នុងកិច្ចសហប្រតិបត្តិការយោធាអន្តរជាតិ ខ្លួនគ្រោងនឹងធ្វើសមយុទ្ធរួមគ្នារវាងអង្គភាពនៃកងកម្លាំងជើងគោកនៃកងកម្លាំងប្រដាប់អាវុធរុស្ស៊ី និងអង្គភាពយោធានៃប្រទេសដទៃទៀត។

ក្រសួងដែលបាននិយាយថា នៅខាងក្រៅប្រទេសរុស្ស៊ី សមយុទ្ធរួមនៃក្រុមរក្សាសន្តិភាពនៃអង្គការសន្ធិសញ្ញាសន្តិសុខសមូហភាព (CSTO) នឹងត្រូវធ្វើឡើងនៅលើទឹកដីនៃប្រទេសអាមេនី។លើសពីនេះ សមយុទ្ធទ្វេភាគីចំនួន៨ត្រូវបានរំពឹងថានឹងធ្វើឡើងនៅឯកន្លែងហ្វឹកហាត់នៃតំបន់យោធារបស់រុស្ស៊ី។
យោងតាមក្រសួង សមយុទ្ធទាំងនេះរួមមាន សមយុទ្ធរុស្ស៊ី-ឥណ្ឌា “ឥន្ទ្រា-២០២៣” “Indra-2023” យោធារួម និងលំហាត់បញ្ជាការប្រឆាំងភេរវកម្ម “បេសកកម្មសន្តិភាព-២០២៣” ដោយរដ្ឋជាសមាជិកនៃអង្គការសហប្រតិបត្តិការសៀងហៃ សមយុទ្ធយោធារួមរុស្ស៊ី-ឡាវ សមយុទ្ធរុស្ស៊ី-ប៉ាគីស្ថាន “មិត្តភាព-២០២៣” សមយុទ្ធរុស្ស៊ី-អាល់ហ្សេរី សមយុទ្ធជាមួយអង្គភាពដាក់ពង្រាយរហ័សក្នុងតំបន់អាស៊ីកណ្តាល តំបន់សន្តិសុខសមូហភាព “Frontier-2023” សមយុទ្ធរុស្ស៊ី-ម៉ុងហ្គោលី “Selenga-2023” និងសមយុទ្ធរុស្ស៊ី-វៀតណាម។
ក្រសួងបានបន្ថែមថា ការរៀបចំផែនការរួមនៃប្រតិបត្តិការយោធា ដំណើរការនៃអន្តរកម្មរវាងតំណាងនៃទីស្នាក់ការកណ្តាល នឹងអង្គភាពយោធានៃប្រទេសដែលចូលរួម និងសកម្មភាពយុទ្ធសាស្ត្រដើម្បីបន្សាបក្រុមប្រដាប់អាវុធខុសច្បាប់នឹងត្រូវបានរៀបរាប់នៅក្នុងសមយុទ្ធនេះ៕ ដោយធីរីណា

រូប​ថត​ :​ Sputnik